അനിയന്ത്രിതമായി ഡീസലിനും പെട്രോളിനും വില വര്ധിപ്പിക്കുന്നതില് പ്രതിഷേധിച്ച് സംസ്ഥാനത്ത് ബുധനാഴ്ച , 24ന് വാഹന പണിമുടക്ക് സംഘടിപ്പിക്കും. രാവിലെ 6 മുതല് വൈകിട്ട് 6 വരെയാണ് പണിമുടക്ക്. ട്രേഡ് യൂണിയനുകളും ഗതാഗതമേഖലയിലെ തൊഴില് ഉടമകളും സംയുക്തമായാണ് പണിമുടക്കുന്നത്.
ഡീസല്, പെട്രോള് വില കുറയ്ക്കാന് പെട്രോളിയം കമ്പനികള്ക്ക് നിര്ദ്ദേശം നല്കാനും നേരത്തെ വര്ധിപ്പിച്ച എക്സൈസ് തീരുവ വേണ്ടെന്ന് വയ്ക്കാന് കേന്ദ്രസര്ക്കാര് തയ്യാറാവണമെന്നും സംയുക്ത സമര സമിതി ആവശ്യപ്പെട്ടു.
റോഡ്ഗതാഗതമേഖല കുത്തകവല്ക്കരിക്കാനും ദശലക്ഷക്കണക്കിന് മോട്ടോര് തൊഴിലാളികളെയും തൊഴില് ഉടമകളെയും വഴിയാധാരമാക്കാനും ഇടയാക്കുന്ന മോട്ടോര് വാഹന നിയമഭേദഗതി ഉപേക്ഷിക്കാന് കേന്ദ്ര സര്ക്കാര് തയ്യാറാവണമെന്നും ഭാരവാഹികള് ആവശ്യപ്പെട്ടു.
പ്രതികരിക്കാൻ ഇവിടെ എഴുതുക