അമേരിക്കയുടെ സുരക്ഷയ്ക്ക് വെല്ലുവിളി ഉയര്ത്തുന്ന കുടിയേറ്റം ഒരു വിധത്തിലും അനുവദിക്കില്ലെന്ന് അമേരിക്കന് പ്രസിഡന്റ് ഡൊണാള്ഡ് ട്രംപ്. ഒരു വര്ഷത്തെ സര്ക്കാരിന്റെ പ്രവര്ത്തനങ്ങള് വിലയിരുത്തിക്കൊണ്ടായിരുന്നു ട്രംപിന്റെ പ്രസംഗം. കുടിയേറ്റ വിഷയത്തില് തന്റെ മുന് നിലപാട് ട്രംപ് ആവര്ത്തിച്ചു.
അതേസമയം അമേരിക്കയ്ക്ക് സംഭാവനകള് നല്കാന് കഴിയുന്ന, കഴിവുള്ള, രാജ്യത്തെ ബഹുമാനിക്കുന്ന വിദേശികള്ക്കു മാത്രം കുടിയേറ്റം അനുവദിച്ചാല് മതിയെന്നും അദ്ദേഹം പറഞ്ഞു. അമേരിക്കന് താല്പര്യം സംരക്ഷിച്ചു കൊണ്ടുള്ള കുടിയേറ്റം മാത്രമേ അനുവദിക്കാനാകൂ. കുടിയേറിയവര് അവരുടെ ബന്ധുക്കളെ കൂടി കൊണ്ടുവരുന്ന ചെയിന് ഇമിഗ്രേഷന് അനുവദിക്കില്ല. നിയമ വിരുദ്ധ കുടിയേറ്റക്കാര് നടത്തിയ കുറ്റകൃത്യങ്ങള് ചൂണ്ടിക്കാട്ടിക്കൊണ്ടായിരുന്നു ട്രംപിന്റെ പ്രസ്താവന.
കൂടാതെ നിയമാനുസൃതമായി അമേരിക്കയിലേയ്ക്കു കുടിയേറിയ കുടുംബങ്ങളിലെ 18 ലക്ഷം കുട്ടികള്ക്ക് പൗരത്വം നല്കും. അമേരിക്കയില് 12 വര്ഷം അമേരിക്കയില് വിദ്യാഭ്യാസത്തോടെയും നല്ല സ്വഭാവത്തോടെയും തുടരുന്ന വിദേശീയര്ക്ക് പൗരത്വം നല്കാമെന്നും ട്രംപ് പറഞ്ഞു.
പ്രതികരിക്കാൻ ഇവിടെ എഴുതുക