അജോയ് വര്മ്മ മോഹന്ലാലിനെ നായകനാക്കി സംവിധാനം ചെയ്യുന്ന നീരാളിയുടെ ആദ്യ ടീസര് പുറത്തിങ്ങി. മോഹന്ലാല് തന്റെ ഫെയ്സ്ബുക്ക് പേജിലൂടെയാണ് ചിത്രത്തിന്റെ ടീസര് പങ്കുവെച്ചത്. വ്യത്യസ്തമായ ഗെറ്റപ്പിലാണ് മോഹന്ലാല് ചിത്രത്തിലെത്തുന്നത്. സണ്ണി ജോര്ജ് എന്ന കഥാപാത്രത്തെയാണ് മോഹന്ലാല് അവതരിപ്പിക്കുന്നത്.
നീരാളിയില് വജ്ര വ്യാപാരവുമായി ബന്ധപ്പെട്ടു പ്രവര്ത്തിക്കുന്ന ഒരു കഥാപാത്രത്തെയാണ് മോഹന്ലാല് അവതരിപ്പിക്കുന്നത്. നാദിയ മൊയ്തുവാണ് നായിക. നോക്കെത്താ ദൂരത്ത് കണ്ണുംനട്ട് എന്ന ചിത്രത്തിന് ശേഷം ഇരുവരും ഒന്നിക്കുന്ന ചിത്രമാണ് നീരാളി. സായികുമാര്, സുരാജ്, ദിലീഷ് പോത്തന് എന്നിവരും ചിത്രത്തില് പ്രധാന കഥാപാത്രങ്ങളായെത്തുന്നുണ്ട്.
മൂണ്ഷോട്ട് എന്റര്ടെയ്ന്മെന്റിന്റെ ബാനറില് സന്തോഷ് ടി കുരുവിളയാണ് ചിത്രം നിര്മ്മിക്കുന്നത്.
Also Read: ജീത്തു ജോസഫ് ബോളിവുഡിലേക്ക്; നായകൻ ഇമ്രാൻ ഹാഷ്മി
പ്രതികരിക്കാൻ ഇവിടെ എഴുതുക