പ്രമാദമായ ഉദയകുമാർ ഉരുട്ടിക്കൊല കേസിൽ അഞ്ച് പോലീസുകാർ കുറ്റക്കാരാണെന്ന് സി ബി ഐ പ്രത്യേക കോടതി. സംഭവം നടന്ന പതിമ്മൂന്ന് വർഷങ്ങൾക്ക് ശേഷമാണ് കേസിൽ കോടതി വിധി പറയുന്നത്.
2005 സെപ്തംബര് 27ന് തിരുവനന്തപുരം ഫോര്ട്ട് പൊലീസ് സ്റ്റേഷനിലെ പോലീസുകാർ മോഷണക്കുറ്റം ആരോപിച്ച് കസ്റ്റഡിയിലെടുത്ത ഉദയകുമാറിനെ ഫോര്ട്ട് സിഐയുടെ സ്ക്വാഡിലുണ്ടായിരുന്ന പൊലീസുകാര് ഉരുട്ടി കൊലപ്പെടുത്തിയെന്നും ഉന്നത ഉദ്യോഗസ്ഥര് സംഭവത്തിന് ശേഷം ഗൂഢാലോചന നടത്തി കേസ് അട്ടിമറിക്കാന് ശ്രമിച്ചുവെന്നുമായിരുന്നു സിബിഐ കേസ്.
കൊലപ്പെടുത്തിയ ശേഷം സ്റ്റേഷനിലെ എസ്ഐ,അജിത് കുമാര്, സിഐ സാബു ,ഫോര്ട്ട് അസിസ്റ്റ് കമ്മീഷണര് ഹരിദാസ് എന്നിവര് ചേര്ന്ന് ഗൂഢാേലാചന നടത്തുകയും ഉദയകുമാറിനെ കസ്റ്റഡിയിലെടുത്തപ്പോള് മോക്ഷണ മുതലായ 4220രൂപ പൊലീസ് പിടിച്ചെടുത്തെന്ന് വ്യാജ രേഖയുണ്ടാക്കി ഉദയകുമാറിനെതിരെ എഫ്ഐആര് രജിസ്റ്റര് ചെയ്തുവെന്നും കുറ്റപത്രത്തില് പറയുന്നു.
കോട്ടയത്ത് വള്ളം മറിഞ്ഞ് കാണാതായ മാധ്യമപ്രവർത്തകന്റെ മൃതദേഹം കണ്ടെത്തി
പ്രതികരിക്കാൻ ഇവിടെ എഴുതുക