കൊതുകു തിരിയിൽ നിന്നും തീ പടർന്നു പിടിച്ച് രോഗിയായ 75 കാരി വൃദ്ധയ്ക്ക് ദാരുണാന്ത്യം. തിരുവെരുമ്പൂർ സ്വദേശിനിയായ സരസ്വതിയാണ് മരിച്ചത്. ഇന്നലെ രാത്രിയാണ് സംഭവം.
ഇന്നലെ രാത്രിയാണ് സംഭവം നടന്നത്. വൃക്ക സംബന്ധമായ രോഗങ്ങളെ തുടര്ന്ന് ചികിത്സയിലായിരുന്നു സരസ്വതി. കഴിഞ്ഞ ഏതാനും ആഴ്ചകളായി തിരുവെരുമ്പൂരിലെ വീട്ടില് തനിച്ചായിരുന്നു താമസം. രാത്രി കിടക്കാന് നേരത്ത് കത്തിച്ചുവച്ച കൊതുകുതിരിയില് നിന്ന് പുതപ്പിലേക്ക് തീ പടര്ന്നത് ഇവര് അറിഞ്ഞില്ല. മുറിയിലാകെ തീ പടര്ന്നതോടെ അയല്പക്കക്കാര് ഓടിയെത്തിയെങ്കിലും വാതില് അകത്തുനിന്ന് പൂട്ടിയിരുന്നതിനാല് ആര്ക്കും തീയണയ്ക്കാനായില്ല.
ഏറെ നേരത്തെ പരിശ്രമത്തിനൊടുവില് നാട്ടുകാര് ചേര്ന്ന് പുറത്തെത്തിച്ചപ്പോഴേക്കും സരസ്വതിക്ക് ഏതാണ്ട് 90 ശതമാനത്തോളം പൊള്ളലേറ്റിരുന്നു. വൈകാതെ ഇവര് മരിക്കുകയും ചെയ്തു. മുറിക്കകത്ത് കത്തിച്ചുവച്ചിരുന്ന കൊതുകുതിരിയില് നിന്നാണ് തീ പടര്ന്നതെന്ന് പൊലീസ് അറിയിച്ചു. മറ്റ് സംശയാസ്പദമായ സാഹചര്യങ്ങളൊന്നും സംഭവത്തിലില്ലെന്നും പൊലീസ് അറിയിച്ചു.
പ്രതികരിക്കാൻ ഇവിടെ എഴുതുക