തിരുവനന്തപുരം: കേന്ദ്ര സര്ക്കാറിന്റെ സ്വദേശി ദര്ശന് പദ്ധതിയുടെ ഭാഗമായുള്ള നിര്മ്മാണ പ്രവര്ത്തനങ്ങള് ശ്രീപത്മനാഭ സ്വാമി ക്ഷേത്രത്തില് പുരോഗമിക്കുന്നു. ജനുവരി 15ന് 78.55 കോടി രൂപയുടെ പദ്ധതി ക്ഷേത്രത്തിലെത്തുന്ന പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യും.
ക്ഷേത്രത്തിനു ചുറ്റുമുള്ള നടപ്പാതകള് ഗ്രാനൈറ്റ് പാകി മിനുക്കുന്നു, വിശ്രമകേന്ദ്രം, ശുചിമുറികള്, മൂന്ന് ഇന്ഫര്മേഷന് കേന്ദ്രങ്ങളടക്കം അടിമുടി മുഖം മിനുക്കലാണ് നടക്കുന്നത്.
ക്ഷേത്രത്തിന് ഒന്നര മീറ്റര് ചുറ്റളവിലെ വൈദ്യുതി, ടെലിഫോണ്, കുടിവെള്ള കേബിളുകളെല്ലാം ഭൂമിക്കടിയിലാക്കി. ക്ഷേത്രത്തിന് സമീപത്തെ റോഡുകളെല്ലാം നവീകരിച്ചു, ക്ഷേത്ര ഭിത്തികളുടെ ഉയരവും കൂട്ടി. എല്ലാ ഭാഗങ്ങളിലും കൂടുതല് നിരീക്ഷണ ക്യാമറകൾ സ്ഥാപിക്കുന്നു.
പത്മതീര്ത്ഥ കുളത്തിനറെ നവീകരണമാണ് പദ്ധതിയിലെ മറ്റൊരു പ്രധാന ആകര്ഷണം. നിര്മ്മാണ പ്രവര്ത്തനങ്ങളെല്ലാം പൈതൃകരീതിയിലാണെന്നതും സവിശേഷതയാണ്. ഒരു ലക്ഷം തുളസിച്ചെടികളടങ്ങിയ തുളസീവനവും ക്ഷേത്രത്തിന് സമീപം ഒരുങ്ങുന്നുണ്ട്. ഭക്തരെയും വിനോദസഞ്ചാരികളെയും പരമാവധി ക്ഷേത്രത്തിലേക്ക് എത്തിക്കലാണ് ലക്ഷ്യം.
പ്രതികരിക്കാൻ ഇവിടെ എഴുതുക