ദില്ലി: രാജ്യം ഇന്ന് എഴുപതാം റിപ്പബ്ലിക് ദിനം ആഘോഷിക്കുന്നു. ബ്രിട്ടീഷ് ഭരണത്തില് നിന്നും മോചിതമായ ഇന്ത്യ ഒരു സ്വതന്ത്ര പരമോന്നത റിപ്പബ്ലിക് രാജ്യമായതിന്റെ ഓര്മ്മയ്ക്കായാണ് ജനുവരി 26 റിപ്പബ്ലിക് ദിനമായി ആഘോഷിക്കുന്നത്.
കശ്മീരില് തീവ്രവാദികളെ നേരിടുന്നതിനിടയില് കൊല്ലപ്പെട്ട ലാന്സ് നായിക് നസീര് അഹമ്മദ് വാണിക്ക് അശോക് ചക്ര പുരസ്കാരം ഇന്ന് സമര്പ്പിക്കും. നസീര് അഹമ്മദ് വാണിയുടെ ഭാര്യ മരണാനന്തര ബഹുമതിയായി അശോക് ചക്ര ഏറ്റുവാങ്ങും. ഇതിന് ശേഷമാകും രാജ്യം റിപ്പബ്ലിക് ദിനാഘോഷ ചടങ്ങുകളിലേക്ക് കടക്കുക.
തുടര്ന്ന് രാജ്പഥില് രാഷ്ട്രപതി രാംനാഥ് കോവിന്ദ് ദേശീയ പതാക ഉയര്ത്തി വിവിധ സേനാവിഭാഗങ്ങളുടെ സല്യൂട്ട് സ്വീകരിക്കും. നരേന്ദ്രമോദി സര്ക്കാര് കാലാവധി പൂര്ത്തിയാക്കുന്നതിന് തൊട്ടുമ്പുള്ള റിപ്പബ്ളിക് ദിന ആഘോഷം എന്ന പ്രത്യേകത കൂടി ഇത്തവണയുണ്ട്.
ദക്ഷിണാഫ്രിക്ക പ്രസിഡന്റ് സിറില് റമഫോയാണ് ഇത്തവണ റിപ്പബ്ലിക് ദിനത്തില് മുഖ്യാതിഥി. രാജ്യമൊട്ടാകെ ആഘോഷപരിപാടികളും തലസ്ഥാന നഗരമായ ദില്ലിയില് സൈനിക പരേഡുകളും ഇന്ന് നടക്കുന്നു.
സംസ്ഥാനത്തും വിപുലമായ റിപ്പബ്ലിക് ദിനാഘോഷമാണ് സംഘടിപ്പിച്ചിരിക്കുന്നത്. തിരുവനന്തപുരത്ത് ഗവര്ണ്ണര് ജസ്റ്റിസ് പി സദാശിവം ദേശീയപതാക ഉയര്ത്തും. ജില്ലാ കേന്ദ്രങ്ങളില് വിവിധ മന്ത്രിമാര് ദേശീയ പതാക ഉയര്ത്തി സേനാവിഭാഗങ്ങളുടെ അഭിവാദ്യം സ്വീകരിക്കും
പ്രതികരിക്കാൻ ഇവിടെ എഴുതുക