പൊടിയും അഴുക്കും കഴുകി കളയാനാണ് നമ്മള് ഇടവിട്ട് മുഖം കഴുകുന്നത്. ഓരോ മണിക്കൂര് ഇടവിട്ട് മുഖം കഴുകുന്ന ചിലരുണ്ട്. ഇടവിട്ട് മുഖം കഴുകുന്നത് നല്ലതല്ലെന്നാണ് സൗന്ദര്യരംഗത്തെ വിദഗ്ധര് പറയുന്നത്. തുടര്ച്ചയായി മുഖം കഴുകുന്നത് ഗുണങ്ങളേക്കാള് ദോഷം ചെയ്യുമെന്ന് വിദഗ്ധര് പറയുന്നു. രണ്ട് നേരം മുഖം കഴുകുന്നതില് പ്രശ്നമില്ല.
രാവിലെയോ വെെകിട്ടോ മുഖം കഴുകാം. രാവിലെ എഴുന്നേറ്റ ഉടന് മുഖം കഴുകുന്നത് ത്വക്കിന് കൂടുതല് ഫ്രഷ്നസ്സ് നല്കും. ത്വക്കിന്റെ നിര്ജ്ജീവമായ സെല്ലുകളെ അത് നിര്മ്മാര്ജ്ജനം ചെയ്യും. മുഖം കഴുകുമ്പോൾ ചെയ്യാന് പാടില്ലാത്ത നാല് കാര്യങ്ങള് ഇവയൊക്കെ
ക്ലെന്സര് ഉപയോഗിക്കുമ്പോൾ
നിങ്ങളുടെ ചര്മത്തിന് അനുയോജ്യമായ ക്ലെന്സര് ഉപയോഗിക്കാന് ശ്രമിക്കുക. അല്ലെങ്കില് അത് ചര്മത്തെ കൂടുതല് ദോഷം ചെയ്യും. വളരെ വരണ്ട ചര്മം ആണെങ്കില് കൂടുതല് ജലാംശമുള്ള ക്ലെന്സര് ഉപയോഗിക്കാം. എണ്ണമയമുള്ള ചര്മം ആണെങ്കില് സാലിസിക് ആസിഡ് അടങ്ങിയവയും, ഇനി നോര്മല് സ്കിന് ആണെങ്കില് ഫോമിങ് അല്ലെങ്കില് ജെല് ക്ലെന്സറും ഉപയോഗിക്കാം.
ഇടവിട്ട് മുഖം കഴുകരുത്
ഇടവിട്ട് മുഖം കഴുകുന്നത് മുഖത്തെ ചര്മം കൂടുതല് വലിയാന് കാരണമാകും. ദിവസവും രാവിലെയും വൈകിട്ടും രണ്ടു നേരം മുഖം കഴുകി വൃത്തിയാക്കുന്നതാണ് നല്ലത്. ഇടവിട്ട് മുഖം കഴുകുമ്പോൾ ത്വക്കിനെ ആരോഗ്യത്തോടെ നിലനിര്ത്താന് സഹായിക്കുന്ന സ്വഭാവികമായ എണ്ണമയം ഇല്ലാതാക്കുകയും മുഖം വരണ്ട് പോകാനുമുള്ള സാധ്യത കൂടുതലാണ്. മൂന്നോ നാലോ തവണ സോപ്പ് ഉപയോഗിച്ച് മുഖം കഴുകിയാല് ചര്മ്മം വരണ്ട് പോകാനുള്ള സാധ്യത വളരെ കൂടുതലാണെന്നും വിദഗ്ധര് പറയുന്നു.
ചൂടുവെള്ളം ഉപയോഗിച്ച് മുഖം കഴുകരുത്
ചൂടുവെള്ളം ഉപയോഗിച്ച് ഒരിക്കലും മുഖം കഴുകരുത്. ഇത് മുഖത്തെ രക്തക്കുഴലുകളെ ചുരുക്കും. ഒപ്പം മുഖത്ത് കരിവാളിപ്പും ചുവപ്പ് നിറവും വരുത്താനും സാധ്യതയുണ്ട്. ചര്മം വരണ്ട് പോകാനുള്ള സാധ്യത വളരെ കൂടുതലാണ്.
അമര്ത്തി തുടയ്ക്കരുത്
മുഖം കഴുകിയ ശേഷം ഒരിക്കലും അമര്ത്തി തുടയ്ക്കരുത്. പകരം ഉണങ്ങിയ ടവല് കൊണ്ട് ഈര്പ്പം ഒപ്പിയെടുക്കാം. മുഖം തുടയ്ക്കുന്ന ടവല് എപ്പോഴും വൃത്തിയുള്ളതാകണം. വൃത്തിയില്ലാത്ത ടവല് അണുക്കളുടെ പ്രിയപ്പെട്ട ഇടമാണ് എന്നതോര്ക്കുക. മുഖം തുടയ്ക്കാന് ഏറ്റവും നല്ല തുണിതന്നെ തിരഞ്ഞെടുക്കണം.
പ്രതികരിക്കാൻ ഇവിടെ എഴുതുക