തിരുവനന്തപുരം: ലോക്സഭാ വോട്ടെടുപ്പിൽ സംസ്ഥാനത്ത് ഭേദപ്പെട്ട പോളിംഗ്. രാവിലെ തുടങ്ങിയ വോട്ടെടുപ്പിന്റെ സമയ പരിധി അവസാനിച്ചപ്പോൾ കേരളത്തിൽ 70.35 ശതമാനത്തിലധികം പേരാണ് ജനവിധി കുറിച്ചത്.
08.15 വരെയുള്ള തിരഞ്ഞെടുപ്പ് കമ്മിഷന്റെ കണക്കുപ്രകാരം കേരളത്തില് 70.35 ശതമാനമാണ് പോളിങ്. ഏറ്റവും കൂടുതല് പോളിങ് രേഖപ്പെടുത്തിയത് കണ്ണൂരിലാണ്- 75.74%. പത്തനംതിട്ടയിലാണ് കുറവ്- 63.35%. 11 മണ്ഡലങ്ങളില് പോളിങ് സംസ്ഥാന ശരാശരിക്കും മുകളിലാണ്.
വോട്ടെടുപ്പ് സംസ്ഥാനത്ത് സുഗമവും സുരക്ഷിതവുമായി പൂര്ത്തിയായതായി മുഖ്യ തെരഞ്ഞെടുപ്പ് ഓഫീസര് സഞ്ജയ് കൗള് അറിയിച്ചു. സംസ്ഥാനത്തൊരിടത്തും അനിഷ്ട സംഭവങ്ങളുണ്ടായില്ല. ചിലയിടങ്ങളില് ഉണ്ടായ സാങ്കേതിക പ്രശ്നങ്ങളും പരാതികളും അപ്പപ്പോള് തന്നെ പരിഹരിക്കാന് കഴിഞ്ഞു. സംസ്ഥാനത്തെ മുഴുവന് പോളിങ് ബൂത്തുകളിലും രാവിലെ ഏഴിന് വോട്ടിങ് ആരംഭിച്ചപ്പോള് തന്നെ വലിയതോതിലുള്ള പങ്കളിത്തമാണുണ്ടായത്.
കേരളത്തിനൊപ്പം തിരഞ്ഞെടുപ്പ് നടന്ന മറ്റു സംസ്ഥാനങ്ങളിലെ പോളിങ് അവസാനിച്ചു. മഹാരാഷ്ട്ര, ഉത്തര്പ്രദേശ്, മധ്യപ്രദേശ്, ത്രിപുര, പശ്ചിമ ബംഗാള്, ഛത്തീസ്ഗഡ്, അസം, ബിഹാര്, രാജസ്ഥാന്, കര്ണാടക, ജമ്മു കശ്മീര് എന്നിവിടങ്ങളിലെ വിവിധ മണ്ഡലങ്ങളിലാണ് ഇന്ന് വോട്ടെടുപ്പ് നടന്നത്. ത്രിപുരയിലാണ് ഏറ്റവും കൂടുതല് പോളിങ് നടന്നത്, 77.53 ശതമാനം. ഏറ്റവും കുറവ് ഉത്തര്പ്രദേശിലാണ. ഇവിടെ വോട്ടെടുപ്പ് നടന്ന മണ്ഡലങ്ങളില് 52.74 ശതമാനമാണ് പോളിങ് രേഖപ്പെടുത്തിയത്.
പ്രതികരിക്കാൻ ഇവിടെ എഴുതുക