യു എ ഇയുടെ വിവിധ ഭാഗങ്ങളിൽ കനത്ത മൂടൽമഞ്ഞ്. ഇവിടങ്ങളിൽ 500 മീറ്ററിൽ താഴെ മാത്രമേ ദൂരക്കാഴ്ച സാധ്യമാകുന്നുള്ളു. അബുദാബി, ഷാര്ജ, ഉമ്മുല് ഖുവൈന്, അബുദാബി-ദുബായ് റോഡ്, അല് ദഫ്റ, അല് ശവാമീഖ് തുടങ്ങിയ പ്രദേശങ്ങളിലാണ് കനത്ത മഞ്ഞ് അനുഭവപ്പെടുന്നത്. ഇതുവഴി വാഹനമോടിക്കുന്നവർ അതീവജാഗ്രത പുലർത്തണമെന്ന് കാലാവസ്ഥാ നിരീക്ഷണകേന്ദ്രം മുന്നറിയിപ്പ് നൽകി.
കുറഞ്ഞ അന്തരീക്ഷ മര്ദം കാരണം യുഎഇയുടെ വിവിധ പ്രദേശങ്ങളില് കഴിഞ്ഞ ഏതാനും ദിവസങ്ങളായി മഴ ലഭിക്കുന്നുണ്ട്. ഇന്നും അന്തരീക്ഷം മേഘാവൃതമായി തന്നെ തുടരുമെന്നാണ് കാലാവസ്ഥാ നിരീക്ഷണ കേന്ദ്രം അറിയിച്ചിരിക്കുന്നത്. ശനിയാഴ്ച വരെ മഴയ്ക്ക് സാധ്യതയുണ്ട്.
പ്രതികരിക്കാൻ ഇവിടെ എഴുതുക