തിരുവനന്തപുരം: പ്രശസ്ത ഛായാഗ്രാഹകന് എം ജെ രാധാകൃഷ്ണന്(61) അന്തരിച്ചു. ഹൃദയാഘാതത്തെ തുടര്ന്ന് വൈകീട്ട് ഏഴ് മണിയോടെ തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം.എഴുപത്തഞ്ചോളം സിനിമകള്ക്ക് ഛായാഗ്രഹണം നിര്വഹിച്ചിട്ടുണ്ട്. ഏക് അലഗ് മോസം എന്ന ഹിന്ദി ചിത്രത്തിലൂടെ ബോളിവുഡിൽ അരങ്ങേറ്റം ക്കുറിച്ച്. മികച്ച ഛായാഗ്രാഹകനുള്ള കേരള സംസ്ഥാന ചലച്ചിത്രപുരസ്കാരം ഏഴു തവണ ഇദ്ദേഹത്തിന് ലഭിച്ചിട്ടുണ്ട്.
നിരവധി അന്താരാഷ്ട്ര പുരസ്കാരങ്ങള്ക്കും അര്ഹനായിട്ടുണ്ട്. ഷാജി.എന്.കരുണ് ഒരുക്കിയ ‘ഓള്’ ആണ് അവസാന ചിത്രം.കളിയാട്ടം, ദേശാടനം, കരുണം, തീര്ത്ഥാടനം, കണ്ണകി, പരിണാമം, കൂട്ട്, മകള്ക്ക്, നാല് പെണ്ണുങ്ങള്, ഗുല്മോഹര്, വിലാപങ്ങള്ക്കപ്പുറം, പേരറിയാത്തവര്, കാട് പൂക്കുന്ന നേരം, ഓള് തുടങ്ങിയ ചിത്രങ്ങൾ എം ജെ രാധാകൃഷ്ണൻ ഛായാഗ്രഹണം നിർവഹിച്ച പ്രശസ്ത ചിത്രങ്ങളാണ്. പുനലൂർ തൊളിക്കോട് ശ്രീനിലയത്തിൽ ജനാർദനൻ വൈദ്യരുടെയും പി.ലളിതയുടെയും മകനാണ്. ഭാര്യ ശ്രീലത. മകന് യദു. മകള് നീരജ
പ്രതികരിക്കാൻ ഇവിടെ എഴുതുക