തിരുവനന്തപുരം: സര്വകലാശാല പരീക്ഷകള് മേയ് 11 മുതല് നടത്താന് നിര്ദേശം. ഇതുസംബന്ധിച്ച് സാധ്യത തേടാന് സര്വകലാശാലകള്ക്ക് നിര്ദേശം നല്കി. ഒരാഴ്ചയ്ക്കുള്ളില് പരീക്ഷ പൂര്ത്തിയാക്കണമെന്നും നിര്ദേശമുണ്ട്.
കേന്ദ്രീകൃത മൂല്യ നിര്ണയമില്ല. പകരം അധ്യാപകര് വീടുകളിലിരുന്ന് മൂല്യ നിര്ണയം നടത്തണം. ഓണ്ലൈന് ക്ലാസുകള് തുടങ്ങാനും നിര്ദേശം നല്കി. പരീക്ഷയെ കുറിച്ച് വിദ്യാര്ഥികള്ക്ക് കൃത്യമായ നിര്ദേശം നല്കണം. പരീക്ഷ നടത്തിപ്പില് ആരോഗ്യ വകുപ്പിന്റെ മാനദണ്ഡം പാലിക്കണമെന്നും നിര്ദേശമുണ്ട്. അതേസമയം പരീക്ഷ നടത്തിപ്പ് ക്രമീകരിക്കാന് സംസ്ഥാന സര്ക്കാര് കഴിഞ്ഞ ദിവസം സമിതി രൂപീകരിച്ചു. അധ്യായന നഷ്ടവും പരീക്ഷ നടത്തിപ്പും ക്രമീകരിക്കാനാണ് സമിതി. ഉന്നത വിദ്യാഭ്യാസ വകുപ്പാണ് ആറംഗ സമിതിയെ നിയോഗിച്ചത്.
പ്രതികരിക്കാൻ ഇവിടെ എഴുതുക