കോവിഡിന്റെ പശ്ചാത്തലത്തില് ഈ മാസം ആരംഭിക്കാനിരുന്ന ഇന്ത്യയുടെ പരിമിത ഓവര് മത്സരങ്ങളുടെ ശ്രീലങ്കന് പര്യടനം റദ്ദാക്കി.
ഇരു രാജ്യങ്ങളിലേയും ക്രിക്കറ്റ് ബോര്ഡുകള് സംയുക്തമായാണ് തീരുമാനത്തിലെത്തിയത്. മൂന്ന് ഏകദിനങ്ങളും മൂന്ന് ടി20 മത്സരങ്ങളുമാണ് പരമ്പരയില് ഉണ്ടായിരുന്നത്. നിലവിലെ സാഹചര്യത്തില് പരമ്പര നടത്തുക എളുപ്പമല്ലെന്നാണ് ശ്രീലങ്കന് ക്രിക്കറ്റ് ബോര്ഡ് അറിയിച്ചത്. ക്രിക്കറ്റ് വീണ്ടും ആരംഭിക്കുന്നതിന് മുമ്പ് ആരോഗ്യ മന്ത്രാലയത്തിന്റേയും സര്ക്കാരിന്റേയും അനുമതി ലഭിക്കണമെന്ന് ബി.സി.സി.ഐ അറിയിച്ചിരുന്നതായും ലങ്കന് ക്രിക്കറ്റ് ബോര്ഡ് വ്യക്തമാക്കി. 2017ലാണ് ഇന്ത്യ അവസാനമായി ശ്രീലങ്കയില് പര്യടനം നടത്തിയത്. എല്ലാ മത്സരങ്ങളും ജയിച്ച് മൂന്ന് പരമ്പരയും ഇന്ത്യ തൂത്തുവാരുകയും ചെയ്തു.
നിലവില് ശ്രീലങ്കയിൽ ലോക്ഡൗൺ ഇളവുകള് നല്കിയിട്ടുണ്ടെങ്കിലും ദേശീയ തലത്തിലുള്ള കര്ഫ്യു തുടരുകയാണ്. ഇതുവരെ 1873 കോവിഡ് രോഗങ്ങളാണ് ശ്രീലങ്കയില് റിപ്പോര്ട്ടു ചെയ്തിട്ടുള്ളത്. 11 പേര് കോവിഡ് ബാധിച്ച് മരിക്കുകയും ചെയ്തു.
പ്രതികരിക്കാൻ ഇവിടെ എഴുതുക