സൗദിയില് നിന്ന് നാട്ടിലേക്ക് മടങ്ങാന് ആഗ്രഹിക്കുന്നവര്ക്കായി വന്ദേഭാരത് മിഷന്റെ ഭാഗമായി കൂടുതല് ഫ്ളൈറ്റുകള് അനുവദിക്കണമെന്ന് പ്രധാനമന്ത്രിക്ക് അയച്ച കത്തില് മുഖ്യമന്ത്രി പിണറായി വിജയന് ആവശ്യപ്പെട്ടു. 87,391 മലയാളികളാണ് സൗദിയില് നിന്ന് തിരിച്ചുവരാന് രജിസ്റ്റർ ചെയ്തിട്ടുള്ളത്. പക്ഷെ, 13,535 പേര്ക്ക് മാത്രമാണ് വരാന് കഴിഞ്ഞത്. സൗദിയില് മൂന്നു അന്താരാഷ്ട്ര വിമാനത്താവളങ്ങളുണ്ടെങ്കിലും വന്ദേഭാരത് മിഷനില് അനുവദിക്കപ്പെട്ട ഫ്ളൈറ്റുകള് വളരെ കുറവാണ്. വന്ദേഭാരതില് ആകെ 270 ഫ്ളൈറ്റുകള് വന്നപ്പോള് അതില് 20 ഫ്ളൈറ്റുകള് മാത്രമാണ് സൗദി അറേബ്യയില് നിന്നും എത്തിയത്.
വിദേശ നാടുകളില് നിന്ന് കേരളത്തില് തിരിച്ചെത്താന് ആകെ 5,40,180 പേരാണ് രജിസ്റ്റര് ചെയ്തത്. എല്ലാവരെയും നാട്ടിലെത്തിക്കാന് സര്ക്കാര് ശ്രമിച്ചിട്ടും 1,43,147 പേര്ക്ക് മാത്രമാണ് ഇതുവരെ തിരിച്ചെത്താനായത്. സൗദിയിൽ നിന്ന് തിരിച്ചുവരാനാഗ്രഹിക്കുന്നവരിൽ അധികം പേരും ജോലി നഷ്ടപ്പെട്ടവരോ വിസയുടെ കാലാവധി കഴിഞ്ഞവരോ ഗര്ഭിണികളോ മറ്റു രോഗങ്ങളുള്ള വയോധികരോ ആണ്. ഇവരുടെ പ്രയാസം കണക്കിലെടുത്ത് വന്ദേഭാരത് മിഷനില് സൗദി അറേബ്യയില് നിന്നുള്ള ഫ്ളൈറ്റുകള് വര്ധിപ്പിക്കണമെന്ന് മുഖ്യമന്ത്രി അഭ്യര്ത്ഥിച്ചു.
പ്രതികരിക്കാൻ ഇവിടെ എഴുതുക