ചര്മത്തിന് ഇറുക്കം നല്കി ചര്മം അയഞ്ഞു തൂങ്ങാതെ സഹായിക്കുന്ന ഒന്നാണ് രക്തചന്ദനം. ഇതിന്റെ ആന്റിഓക്സിഡന്റ് ഗുണങ്ങളാണ് സഹായകമാകുന്നത്. മുഖത്തെ ചുളിവുകള് നീക്കാനും ഇത് ഏറെ നല്ലതാണ്. രക്തചന്ദനം പാലില് കലക്കി പുരട്ടിയാലും ഈ ഗുണം ലഭിയ്ക്കും.
പാലും രക്തചന്ദനവും കലര്ത്തി മുഖത്തു പുരട്ടുന്നത് ഏറെ നല്ലതാണ്. തിളപ്പിയ്ക്കാത്ത പാലാണ് കൂടുതല് നല്ലത്. ചര്മത്തിന് നിറം വര്ദ്ധിപ്പിയ്ക്കാന് സഹായിക്കുന്ന ഒരു വഴിയാണിത്. ഇതില് സാധാരണ ചന്ദനവും അല്പം മഞ്ഞളും കൂടി അരച്ചു ചേര്ക്കുന്നത് ഏറെ ഗുണം നല്കും. മുഖത്തെ പാടുകള് മാറാനും കരുവാളിപ്പു നീക്കാനുമെല്ലാം ഇത് ഏറെ നല്ലതാണ്. സണ്ടാന് അകറ്റാനും നല്ലതാണ്.
ബദാം ഓയില്, വെളിച്ചെണ്ണ, രക്തചന്ദനം എന്നിവ കലര്ത്തിയ മിശ്രിതം മുഖത്തു പുരട്ടുന്നത് മുഖത്തിനു തിളക്കവും മിനുക്കവും നല്കാന് ഏറെ നല്ലതാണ്. ഇതും അല്പനാള് അടുപ്പിച്ചു ചെയ്യുക.
മുഖക്കുരുവും മുഖക്കുരുവിന്റെ പാടുകളും
രക്തചന്ദനം മുഖത്തെ മുഖക്കുരുവും മുഖക്കുരുവിന്റെ പാടുകളും മാറാന് ഏറെ നല്ലതാണ്. രക്തചന്ദനം, മഞ്ഞള്, തേന്, പനിനീര് എന്നിവ കലര്ത്തി മുഖത്തു പുരട്ടുന്നത് ഇത്തരം പ്രശ്നങ്ങള്ക്കുള്ള നല്ലൊരു പ്രതിവിധിയാണ്. ഇത് പുരട്ടി ഉണങ്ങുമ്പോള് ചെറുചൂടുവെള്ളത്തില് കഴുകിക്കളയുക.
പ്രതികരിക്കാൻ ഇവിടെ എഴുതുക