സിംല: കുരങ്ങുകളുടെ അപ്രതീക്ഷിത ആക്രമണത്തിൽ കെട്ടിടത്തിൽ നിന്ന് വീണ് പരിക്കേറ്റ സ്ത്രീ മരിച്ചു. ഹിമാചൽ പ്രദേശ് കുഫ്തദർ സ്വദേശിയായ രാജ്ബാല എന്ന 56കാരിയാണ് മരിച്ചത്. കഴിഞ് ദിവസമായിരുന്നു സംഭവം,
എന്തോ ആവശ്യത്തിനായി വീടിന്റെ ടെറസിലെത്തിയതായിരുന്നു രാജ്ബാല. ഇതിനിടെ കുറച്ചു കുരങ്ങുകൾ ചേർന്ന് കൂട്ടമായി ആക്രമിച്ചു. രക്ഷപ്പെടാനുള്ള ശ്രമത്തിനിടെയാണ് ഇവർ കെട്ടിടത്തിന് മുകളിൽ നിന്ന് താഴേക്ക് പതിക്കുകയായിരുന്നു. ഗുരുതരമായി പരിക്കേറ്റ ഇവരെ ഉടൻ തന്നെ സമീപത്തെ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു.
ലോക്ക് ഡൗൺ കാലയളവില് പല സംസ്ഥാനങ്ങളിൽ നിന്നും കുരങ്ങുകളുടെ ആക്രമണം റിപ്പോർട്ട് ചെയ്യപ്പെട്ടിരുന്നു. ക്ഷേത്രങ്ങളും മറ്റും അടച്ചതോടെ ഭക്ഷണത്തിനായി ഈ പ്രദേശങ്ങള് ആശ്രയിച്ചിരുന്ന മൃഗങ്ങൾക്ക് ഭക്ഷണം ലഭിക്കാതെയായി. വിശപ്പു മൂലം അക്രമാസക്തമാകുന്നുവെന്നായിരുന്നു റിപ്പോർട്ടുകൾ.
പ്രതികരിക്കാൻ ഇവിടെ എഴുതുക