കോട്ടയം: വൈക്കം എംഎൽഎ സികെ ആശ സ്വയം നിരീക്ഷണത്തിൽ പ്രവേശിച്ചു. ശനിയാഴ്ച കോവിഡ് 19 സ്ഥിരീകരിച്ച ഒരു അധ്യാപികയുമായി നേരിട്ട് സമ്പർക്കമുണ്ടായതിനെ തുടർന്നാണ് എംഎൽഎ സ്വയം നിരീക്ഷണത്തിലായത്. തന്റെ ഫെയ്സ്ബുക്ക് പേജിലൂടെയാണ് എംഎൽഎ ഇക്കാര്യം അറിയിച്ചത്.
അധ്യാപിക തന്റെ വിദ്യാർഥിനിയുടെ വീട്ടിൽ പഠന വിവരം അന്വേഷിച്ചെത്തിയതിന്റെ രണ്ടാമത്തെ ദിവസം വിദ്യാർഥിനിയ്ക്ക് ടെലിവിഷൻ കൈമാറുന്ന പരിപാടിയിൽ സികെ ആശയും പങ്കെടുത്തിരുന്നു. അധ്യാപികയ്ക്ക് രോഗബാധ സ്ഥിരീകരിച്ചതോടെ ക്വാറന്റൈനിൽ പ്രവേശിക്കാൻ തീരുമാനിച്ചതായി എഫ്ബി പോസ്റ്റിൽ എംഎൽഎ സൂചിപ്പിക്കുന്നു.
പ്രതികരിക്കാൻ ഇവിടെ എഴുതുക