സംഘടനയിലെ തര്ക്കങ്ങള് മുറുകുന്നതിനിടെ ബി.ജെ.പി സംസ്ഥാന അധ്യക്ഷന് കെ. സുരേന്ദ്രന് ദല്ഹിയില്. കേന്ദ്ര നേതൃത്വം സുരേന്ദ്രനെ വിളിപ്പിച്ചെന്നാണ് സൂചന. എന്നാല് അസ്വാഭാവികമായൊന്നുമില്ലെന്നും സാധാരണ സന്ദര്ശനമാണെന്നാണ് കെ. സുരേന്ദ്രന് പറഞ്ഞത്.
അതേസമയം ബി.ജെ.പിയിലെ ഗ്രൂപ്പ് തര്ക്കം പരസ്യമായ സാഹചര്യത്തില് കഴിഞ്ഞ ദിവസം സുരേന്ദ്രനെ വിളിച്ച് വരുത്തി ആര്.എസ്.എസ് താക്കീത് നല്കിയിരുന്നു.
പ്രശ്നം ഉടന് പരിഹരിക്കണമെന്ന് ആര്.എസ്.എസ് സുരേന്ദ്രനോട് ആവശ്യപ്പെടുകയും ചെയ്തു. വിഷയം ഇത്രയും വലുതാവുന്നതുവരെ നീട്ടിക്കൊണ്ടുപോയതിലുള്ള അതൃപ്തിയും ആര്.എസ്.എസ് സുരേന്ദ്രനെ അറിയിച്ചു. കെ. സുരേന്ദ്രനെതിരെ ബി.ജെ.പി കേന്ദ്ര നേതൃത്വത്തിനും ആര്.എസ്.എസിനും ശോഭാ സുരേന്ദ്രന് അടക്കമുള്ള നേതാക്കള് പരാതി നല്കിയിരുന്നു.
നാല് ചക്ര വാഹനങ്ങളില് ഫാസ് ടാഗ് നിര്ബന്ധമാക്കി കേന്ദ്ര ഉപരിതല ഗതാഗത മന്ത്രാലയം
ഇതിനെ തുടര്ന്ന് ദേശീയ നേതൃത്വത്തിന്റെ നിര്ദേശപ്രകാരം എറണാകുളം എളമക്കരയിലെ ആര്.എസ്.എസ് കാര്യാലയത്തിലേക്ക് സുരേന്ദ്രനെ വിളിച്ചുവരുത്തുകയായിരുന്നു. ആര്.എസ്.എസ് പ്രാന്ത പ്രചാരക് ഹരികൃഷ്ണന്, സംസ്ഥാന പ്രാന്തകാര്യവാഹക് ഗോപാലന്കുട്ടി മാസ്റ്റര്, സംസ്ഥാന സഹപ്രാന്ത കാര്യവാഹക് സുദര്ശന് തുടങ്ങിയവരാണ് യോഗത്തില് ഉണ്ടായിരുന്നത്.
തര്ക്കം ഈ രീതിയില് പോകുകയാണെങ്കില് തദ്ദേശ തെരഞ്ഞെടുപ്പില് ബി.ജെ.പിക്ക് വലിയ തിരിച്ചടി നേരിടേണ്ടിവരുമെന്നും പരാജയപ്പെട്ട സംസ്ഥാന അധ്യക്ഷനെന്ന പേര് വിളിച്ചുവരുത്തരുതെന്നും സുരേന്ദ്രന് ആര്.എസ്.എസ് മുന്നറിയിപ്പ് നല്കിയിരുന്നു. സംസ്ഥാന അധ്യക്ഷസ്ഥാനം ഇല്ലാതായാല് രാഷ്ട്രീയ വിസ്മൃതിയിലേക്ക് പോകേണ്ട സ്ഥിതിയുണ്ടാകുമെന്നും ആര്.എസ്.എസ് ഓര്മ്മിപ്പിച്ചു.
ശോഭാ സുരേന്ദ്രനെയും ആര്.എസ്.എസ് നേതൃത്വം വിളിപ്പിച്ചിരുന്നു. പരസ്യ പ്രതികരണം നടത്തിയ സാഹചര്യവും മറ്റ് ചില നേതാക്കളുമായി ചേര്ന്ന് നടത്തിയ കൂടിക്കാഴ്ചകളും സംബന്ധിച്ചുള്ള വിശദീകരണവും ശോഭയോട് ആര്.എസ്.എസ് ആരാഞ്ഞിരുന്നു.
പ്രതികരിക്കാൻ ഇവിടെ എഴുതുക