ഇന്ന് മുതൽ തദ്ദേശ തെരഞ്ഞെടുപ്പിൽ തപാൽ വോട്ടിനായുള്ള അപേക്ഷകൾ സ്വീകരിക്കും. നാളെ മുതൽ കൊവിഡ് ബാധിതർക്കും ക്വാറന്റീനിൽ കഴിയുന്നവർക്കും സ്പെഷ്യൽ തപാൽ വോട്ടിനുള്ള പട്ടിക തയാറാക്കി തുടങ്ങും. സ്പെഷ്യൽ തപാൽ വോട്ട് സാധ്യമാവുക, ഡിസംബർ 7 ന് വൈകിട്ട് 3 മണി വരെ പോസിറ്റീവ് ആവുകയോ നിരീക്ഷണത്തിൽ പ്രവേശിക്കുകയോ ചെയ്യുന്നവർക്കാകും. പട്ടികയുടെ അടിസ്ഥാനത്തിൽ വീടുകളിൽ സ്പെഷ്യൽ പോളിങ് ഓഫിസർമാർ തപാൽ ബാലറ്റ് എത്തിക്കും.
പോസ്റ്റൽ ബാലറ്റ് അനുവദിക്കുക വോട്ടർപട്ടികയുമായി പരിശോധിച്ചശേഷമാകും. വോട്ട് രേഖപ്പെടുത്തിയ ശേഷം രജിസ്ട്രേഡ് പോസ്റ്റ് വഴിയോ മറ്റൊരാൾ മുഖേനയോ ബാലറ്റ് പേപ്പറും സത്യപ്രസ്താവനയും അടങ്ങിയ കവർ വോട്ടെണ്ണലിനു മുമ്പ് തിരികെ വരണാധികാരിക്ക് നൽകേണ്ടതുണ്ട്. ബാലറ്റ് പേപ്പറിന്റെ എണ്ണം നിശ്ചയിക്കേണ്ടത് അന്തിമ സ്ഥാനാർത്ഥി പട്ടിക തയാറാക്കുന്ന ദിവസത്തെ കൊവിഡ് ബാധിതരുടേയും നിരീക്ഷണത്തിൽ കഴിയുന്നവരുടേയും എണ്ണത്തെ അടിസ്ഥാനമാക്കിയാണെന്ന് കമ്മിഷൻ നിർദേശിച്ചിട്ടുണ്ട്.
പ്രതികരിക്കാൻ ഇവിടെ എഴുതുക