യോർക്കറുകളിലൂടെ ക്രിക്കറ്റ് ആരാധകരെ ഞെട്ടിച്ച ജസ്പ്രീത് ബുംറ ഇപ്പോഴിതാ ബാറ്റിംഗിലും തന്റെ കഴിവ് തെളിയിച്ചിരിക്കുകയാണ്. ഓസ്ട്രേലിയ എ ടീമിനെതിരായ സന്നാഹ മത്സരത്തിലാണ് ഇന്ത്യ എയ്ക്കായി ബുംറ അസാമാന്യ ബാറ്റിംഗ് പ്രകടനം കാഴ്ചവെച്ചത്.
57 പന്തുകൾ നേരിട്ട ബുംറ, 55 റൺസുമായി പുറത്താകാതെ നിന്നു. ആറു ഫോറും രണ്ടു സിക്സും ഉൾപ്പെടുന്നതാണ് ബുംറയുടെ ഇന്നിംഗ്സ്. ബുംറയുടെ കന്നി ഫസ്റ്റ് ക്ലാസ് അർധ സെഞ്ചുറിയായിരുന്നു ഇത്.
https://twitter.com/i/status/1337302025327898624
മത്സരം പൂർത്തിയാക്കിയ എത്തിയ ബുംറയ്ക്ക് ഡ്രസിംഗ് റൂമിൽ ടീം ഇന്ത്യ ആദരമർപ്പിച്ചിരുന്നു. ഗാർഡ് ഓഫ് ഓണർ നൽകി സ്വീകരിച്ചു കൊണ്ടാണ് സഹതാരങ്ങൾ ബുംറയ്ക്ക് ആദരം നൽകിയത്. ബുംറയുടെ അസാമാന്യ ബാറ്റിംഗ് പ്രകടനത്തിന് ആരാധകരും ആദരമർപ്പിച്ചു.
പ്രതികരിക്കാൻ ഇവിടെ എഴുതുക