മലപ്പുറം: തദ്ദേശ തിരഞ്ഞെടുപ്പിന്റെ അവസാനഘട്ട വോട്ടെടുപ്പ് ആരംഭിച്ചു. മൂന്നാം ഘട്ടത്തിൽ മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിലാണു വോട്ടെടുപ്പ്. 354 തദ്ദേശ സ്ഥാപനങ്ങളിലെ 6867 വാർഡുകളിലായി 22,151 സ്ഥാനാർഥികളാണു മത്സരിക്കുന്നത്. 89,74,993 വോട്ടർമാർ. 10,842 പോളിങ് ബൂത്തുകളിൽ 1,105 എണ്ണം പ്രശ്നബാധിതമായതിനാൽ വെബ്കാസ്റ്റിങ് ഏർപ്പെടുത്തിയിട്ടുണ്ട്.
കണ്ണൂരില് യു.ഡി.എഫ് സ്ഥാനാര്ഥിയേയും ബൂത്ത് ഏജന്റിനേയും സി.പി.എം പ്രവര്ത്തകര് മര്ദ്ദിച്ചെന്ന് പരാതി. പയ്യന്നൂര് മുന്സിപാലിറ്റി നാലാം വാര്ഡ് യു.ഡി.എഫ് സ്ഥാനാര്ഥി കച്ചേരി രമേശനെ സി.പി.എം പ്രവര്ത്തകര് മര്ദ്ദിച്ചെന്നാണ് പരാതി.
പരിയാരം പഞ്ചായത്ത് ഏഴാം വാര്ഡില് യു.ഡി.എഫ് ബൂത്ത് ഏജന്റിന് മര്ദ്ദനമേറ്റതായും പരാതിയുണ്ട്.
വോട്ട് ചെയ്ത് തിരിച്ച് പോകുന്നതിനിടെ സ്ത്രീ കുഴഞ്ഞുവീണു മരിച്ചു. നമ്പ്യാര് വീട്ടില് നാണുവിന്റെ ഭാര്യ ബേബി (68) ആണ് മരിച്ചത്.
ബേപ്പൂര് എല് .പി സ്കൂളില് അഞ്ചാം ബൂത്തിലാണ് ഇവര് വോട്ട് രേഖപ്പെടുത്തിയത്. രാവിലെ 9.30 ഓടെ വോട്ട് ചെയ്ത് തിരിച്ച പോവുമ്പോള് കുഴഞ്ഞുവീഴുകയായിരുന്നു.
പ്രതികരിക്കാൻ ഇവിടെ എഴുതുക