തൃശൂർ: രമേശ് ചെന്നിത്തലക്കെതിരെ വിവാദപരാമർശം നടത്തിയ മന്ത്രി കെ.ടി ജലീലിനെതിരെ വിമർശനവുമായി കോൺഗ്രസ് നേതാവ് ജ്യോതികുമാർ ചാമക്കാല.
ജ്യോതികുമാർ ചാമക്കാല പങ്കുവെച്ച ഫേസ്ബുക് കുറിപ്പ്:
പിണറായി വിജയൻ എൻ.കെ പ്രേമചന്ദ്രനെ വിളിച്ചപേരിന് ഏറ്റവും യോഗ്യൻ താനാണെന്ന് തെളിയിച്ചിരിക്കുകയാണ് കെ.ടി ജലീൽ….
തിരഞ്ഞെടുപ്പ് തോൽവി ഉറപ്പായപ്പോൾ പ്രതിപക്ഷ നേതാവിന്റെ മക്കളെപ്പോലും പുലഭ്യം പറയുന്നു കേരളത്തിന്റെ ‘ഉന്നതവിദ്യാഭ്യാസ മന്ത്രി ‘…..
പ്രതിപക്ഷ നേതാവിന്റെ മക്കൾ ഡോക്ടറും ഇന്ത്യൻ റവന്യു സർവീസുകാരനും ആയതാണ് ഉന്നത വിദ്യാഭ്യാസത്തിന്റെ ചുമതലക്കാരന് സഹിക്കാനാവാത്തത്..!
അദ്ദേഹത്തിന്റെ കണക്കിൽ നേതാക്കളുടെ മക്കൾ ബിരുദമെടുക്കേണ്ടത് ലഹരി കടത്തിലോ ഡാറ്റ മോഷണത്തിലോ ഒക്കെയാണ്….
ജലീൽ മന്ത്രീ, സ്വപ്ന സുരേഷിന്റെ ഈന്തപ്പഴത്തിന്റെയും പിണറായി വിജയന്റെ പാൽപ്പായസത്തിന്റെയും ബലത്തിലാണ് തിളയ്ക്കുന്നതെങ്കിൽ അതു വേണ്ട എന്നാണ് പറയാനുള്ളത്….
രമേശ് ചെന്നിത്തല തലയിൽ മുണ്ടിട്ട് എവിടെയും പോവാറില്ല….
ജനങ്ങൾ അദ്ദേഹത്തെ തലയിലേറ്റുന്നത് കേരളം കാണുകയാണ്….
അതിൽ അസ്വസ്ഥപ്പെട്ടിട്ട് കാര്യമില്ല.
NB : ചൊറിച്ചിലിനുള്ള നല്ല മരുന്നെന്തെങ്കിലും എത്തിച്ചു കൊടുത്ത് മന്ത്രിയെ ആരെങ്കിലും സഹായിക്കേണ്ടതാണ്….
പ്രതികരിക്കാൻ ഇവിടെ എഴുതുക