‘1921 പുഴ മുതല് പുഴ വരെ’ എന്ന സിനിമയുടെ ചിത്രീകരണം ഇന്ന് ആരംഭിക്കുമെന്ന് സംവിധായകന് അലി അക്ബര്. ഇന്നലെ രാത്രി വന്ന ഫേസ്ബുക്കിലായിരുന്നു അലി അക്ബര് ഇക്കാര്യം അറിയിച്ചത്. ചിത്രത്തിന്റെ അണിയറ പ്രവര്ത്തകരും അഭിനേതാക്കളും വയനാട്ടില് എത്തി. ഇന്ന് രാവിലെ എട്ട് മണിയോടെ ചിത്രീകരണം ആരംഭിക്കും.
കഴിഞ്ഞ ജൂണ് 26ന് വായുവില് നിന്നും തുടങ്ങിയ സിനിമ ഇന്ന് ഷൂട്ട് തുടങ്ങുന്നതോടെ യഥാര്ത്ഥ്യത്തിലേക്കുള്ള ആദ്യപടി ചവിട്ടുപിടിയിലേക്ക് കയറുകയാണെന്നും അലി അക്ബര് പറഞ്ഞു.
30 ദിവസം നീണ്ടതാണ് വയനാട്ടിലെ ആദ്യ ഷെഡ്യൂള്. മൂന്ന് ഷെഡ്യൂളുകളായാണ് ചിത്രത്തിന്റെ ഷൂട്ടിങ് നടക്കുക എന്ന് നേരത്തെ അറിയിച്ചിരുന്നു. സിനിമക്ക് വേണ്ടി താന് ഭിക്ഷ യാചിക്കുക തന്നെയാണെന്നും അത് ക്ഷേത്രത്തിലേക്ക് കൊടുക്കും പോലെയാണെന്നും വ്യക്തമാക്കി.
തനിക്ക് വീടുണ്ടാക്കാനോ മക്കളെ കെട്ടിക്കാനാേ ആണെങ്കില് ഇതിലും ഇരട്ടി പണം തനിക്ക് ലഭിക്കുമായിരുന്നു. ഇന്ന് വരെ ആരോടും അങ്ങനെ ചോദിച്ചിട്ടില്ല. പക്ഷേ ഈ പ്രൊജക്ടിന് വേണ്ടി റോഡില് ഇറങ്ങാനും ഭിക്ഷ യാചിക്കാനും തയ്യാറാണെന്നും അലി അക്ബര് പറഞ്ഞു.
കുറച്ചു ദിവസം മുമ്പ് സിനിമയുടെ ആവശ്യത്തിനായി തോക്കും, മറ്റ് സാധനങ്ങളും ഉണ്ടാക്കുന്ന ചിത്രം പങ്കുവെച്ചാണ് അലി അക്ബര് ധന സഹായത്തിന്റെ കാര്യം ആവശ്യപ്പെട്ടിരിക്കുന്നത്. പ്രവര്ത്തനങ്ങള്ക്കായി ആദ്യ ഘട്ടത്തില് ഒരു കോടി മതിയെന്നും, ഇനിയും സഹായിക്കണമെന്നും നേരത്തെ അലി അക്ബര് ഫേസ്ബുക്കിലൂടെ അറിയിച്ചിരുന്നു. മലയാള സിനിമയിലെ പ്രമുഖരാണ് സിനിമയില് അഭിനയിക്കുന്നതെന്നും, അവര്ക്കുള്ള അഡ്വാന്സ് കൊടുത്തെന്നും അലി അക്ബര് അറിയിച്ചിരുന്നു.
പ്രതികരിക്കാൻ ഇവിടെ എഴുതുക