കേരളത്തില് നിന്നും വരുന്നവര്ക്ക് ആര്ടിപിസിആര് നെഗറ്റീവ് സര്ട്ടിഫിക്കറ്റ് നിര്ബന്ധമല്ലെന്ന് തമിഴ്നാട് സര്ക്കാര് . 72 മണിക്കൂറിനുള്ളില് എടുത്ത ആര്ടിപിസിആര് നെഗറ്റീവ് സര്ട്ടിഫിക്കറ്റ് ഉള്ളവരെ മാത്രമേ അതിര്ത്തി കടത്തിവിടുകയുള്ളൂവെന്ന വാര്ത്തയെ തുടര്ന്ന് ഗതാഗത സെക്രട്ടറി കെ.ആര്.ജ്യോതിലാല് തമിഴ്നാട് സര്ക്കാരിലെ ഉയര്ന്ന ഉദ്യോഗസ്ഥരുമായി ബന്ധപ്പെട്ടപ്പോഴാണ് മറുപടി ലഭിച്ചത്.
അതേസമയം, കേരളത്തില് നിന്നുള്ള എല്ലാ യാത്രാവാഹനങ്ങളും ചരക്ക് വാഹനങ്ങളും തമിഴ്നാട് അതിര്ത്തിയില് ആരോഗ്യവകുപ്പിന്റെ നേതൃത്വത്തില് പരിശോധിക്കുന്നുണ്ട്. വാഹനങ്ങളിലെ യാത്രക്കാരുടെ ശരീര ഊഷ്മാവ് പരിശോധിക്കുന്നുണ്ട്.
കോവിഡ് വ്യാപനത്തിന്റെ പശ്ചാത്തലത്തിലാണ് നിയന്ത്രണം. തമിഴ്നാടിന്റെ ഇ പാസ് ഉള്ളവരെ മാത്രമേ സംസ്ഥാനത്തേക്ക് കടത്തിവിടൂവെന്ന് അധികൃതര് വ്യക്തമാക്കിയിരുന്നു. എന്നാല് തമിഴ്നാട്ടില് നിന്ന് കേരളത്തിലേക്കുളള യാത്രയ്ക്ക് നിയന്ത്രണങ്ങളില്ല.
ഇന്ന് ഉച്ചമുതൽ ആരംഭിച്ച നടപടിയിൽ വാഹനങ്ങളിലെ യാത്രക്കാരുടെ ശരീര ഉഷ്മാവും പരിശോധിക്കുന്നുണ്ട്. തമിഴ്നാട്ടിലേക്ക് വരുന്നവർ കോവിഡ് നെഗറ്റീവ് സർട്ടിഫിക്കറ്റ് ഹാജരാക്കണമെന്ന് ഇന്നലെ കോയമ്പത്തൂർ കലക്ടർ ഇറക്കിയ ഉത്തരവിൽ പറയുന്നുണ്ടെങ്കിലും നിലവിൽ അതു നിർബന്ധമാക്കിയിട്ടില്ല.
പ്രതികരിക്കാൻ ഇവിടെ എഴുതുക