പ്രചരണത്തിനിടെ കൂകി വിളിച്ച നാട്ടുകാരെ തിരിച്ച് തെറി വിളിച്ച് പി.സി ജോര്ജ് എം.എല്.എ. തീക്കോയി പഞ്ചായത്തിലെ പര്യടനത്തിനിടെയായിരുന്നു സംഭവം.
തുറന്ന വാഹനത്തില് വോട്ടഭ്യര്ത്ഥിക്കുകയായിരുന്ന പി.സി ജോര്ജിനെ കൂവലിന്റെ അകമ്പടിയോടെയാണ് നാട്ടുകാര് വരവേറ്റത്. മേയ് രണ്ടിന് താന് എം.എല്.എയാകുമെന്നും അന്ന് ഇവിടെ വരുമെന്നും ജോര്ജ് കൂവി വിളിക്കുന്നവരോട് പറയുന്നുണ്ട്.
‘അങ്ങനെ പേടിപ്പിക്കല്ലേ. കൂവി വിളിച്ചാ ഓടുന്ന ഏഭ്യനല്ല ഞാന്. എന്റെ ചിഹ്നം തൊപ്പിയാണ്. സൗകര്യമുള്ളവര് തൊപ്പിയില് വോട്ട് ചെയ്യുക. നിന്റെയൊക്കെ വീട്ടില് ഇങ്ങനെ കാര്ന്നോന്മാര് പഠിപ്പിച്ചുവിടുന്നതെന്ന് ഞാന് ഇപ്പോഴാ അറിഞ്ഞത്’, ജോര്ജ് പറയുന്നു. ഈരാറ്റുപേട്ടയില് ജനിച്ച് വളര്ന്നവനാണ് താനെന്നും ആരുകൂവിയാലും ഓടില്ലെന്നും ജോര്ജ് പറയുന്നുണ്ട്.
‘വല്യ വര്ത്താനം പറയുന്നു. എന്നെയാ പേടിപ്പിക്കുന്നേ. പോടാ അവിടെന്ന് തെണ്ടീ’ എന്ന് പറഞ്ഞാണ് ജോര്ജ് പ്രസംഗം അവസാനിപ്പിക്കുന്നത്. ജനപക്ഷത്തിന്റെ സ്ഥാനാര്ത്ഥിയായാണ് പൂഞ്ഞാറില് പി.സി ജോര്ജ് മത്സരിക്കുന്നത്. തിങ്കളാഴ്ചയാണ് ജനപക്ഷത്തിന് തൊപ്പി ചിഹ്നം അനുവദിച്ചുകൊടുത്തത്.
പ്രതികരിക്കാൻ ഇവിടെ എഴുതുക