മലപ്പുറം: മലപ്പുറം ജില്ലയില് കോവിഡ് ചികിത്സക്ക് പുതിയ മാര്ഗനിര്ദേശം പുറത്തിറക്കി. കോവിഡ് ബാധിച്ച് വീടുകളില് നിരീക്ഷണത്തില് കഴിയുന്നവര്ക്കാവും പുതിയ മാര്ഗനിര്ദേശം ബാധകമാവുക. 10ല് കൂടുതല് അംഗങ്ങളുള്ള കുടുംബങ്ങളിലുള്ളവര്ക്ക് കോവിഡ് ബാധിച്ചാല് ഇനി വീട്ടില് നിരീക്ഷണത്തില് കഴിയാന് സമ്മതിക്കില്ല. ഇത്തരക്കാരെ ഫസ്റ്റ്ലൈന് ട്രീറ്റ്മെന്റ് സെന്ററുകളിലേക്ക് മാറ്റും.
നിരീക്ഷണത്തില് കഴിയുന്നവരുടെ വീടിന് മുന്നില് സ്റ്റിക്കര് പതിപ്പിക്കും. ട്രിപ്പിള് ലോക്ഡൗണ് നിര്ദേശങ്ങള് ലംഘിച്ച് പുറത്തിറങ്ങിയാല് നിയമനടപടിക്കൊപ്പം കോവിഡ് പരിശോധനയും നടത്തും. പരിശോധനയില് രോഗബാധ കണ്ടെത്തിയാല് ഇവരെ സര്ക്കാര് ക്വാറന്റീന് സെന്ററിലേക്ക് മാറ്റുമെന്നും അധികൃതര് അറിയിച്ചു.
പ്രതികരിക്കാൻ ഇവിടെ എഴുതുക