ബോളിവുഡിന്റെ കിങ് ഖാൻ ഷാരൂഖ് ഖാന്റെ മകൾ സുഹാനയുടെ ജന്മദിനമായിരുന്നു ഈ മാസം 23ന് കടന്നുപോയത്. മകൾ സുഹാനയ്ക്ക് ജന്മദിനാശംസ നേർന്ന് മാതാവ് ഗൗരി ഖാൻ മേയ് 22ന് ട്വീറ്റ് ചെയ്തിരുന്നു. സുഹാനയുടെ ചിത്രം പങ്കുവെച്ചായിരുന്നു ഗൗരി ഖാന്റെ ട്വീറ്റ്.
ട്വീറ്റിന് നിരവധി പേർ റിയാക്ഷനും കമന്റുകളും നൽകുകയും ചെയ്തിരുന്നു. അതിൽ ഒരു യുവാവിന്റെ കമന്റാണ് ഇപ്പോൾ സാമൂഹ്യ മാധ്യമങ്ങളിൽ വൈറലാവുന്നത്.
സുഹാനയെ തനിക്ക് കല്യാണം കഴിപ്പിച്ച് തരുമോ എന്നായിരുന്നു യുവാവിന്റെ കമന്റ്. തനിക്ക് മാസം ഒരു ലക്ഷം രൂപയിൽ കൂടുതൽ വരുമാനമുണ്ടെന്നും കമന്റിൽ പറയുന്നു. ” ഗൗരി മാഡം, മകൾ സുഹാനയെ എനിക്ക് വിവാഹം കഴിച്ച് തരാമോ. ഒരു ലക്ഷത്തിന് മുകളിലാണ് എന്റെ മാസ ശമ്പളം,” കമന്റിൽ പറയുന്നു.
സുഹാനയുടെ ജന്മദിനത്തിൽ ഗൗരി സുഹാനയ്ക്ക് മനോഹരമായൊരു കുറിപ്പിലൂടെ ജന്മദിനാശംസകൾ നേർന്നിരുന്നു. കഴിഞ്ഞ വർഷം നടത്തിയ സുഹാനയുടെ ക്വാറന്റൈൻ ഫൊട്ടോഷൂട്ടിൽനിന്നുളള ചിത്രമാണ് ഗൗരി അന്ന് ഇൻസ്റ്റഗ്രാമിൽ പങ്കു വച്ചത്.
പ്രതികരിക്കാൻ ഇവിടെ എഴുതുക