ഹിമാചല് പ്രദേശിലെ സിര്മുര് ജില്ലയില് ചൊവ്വാഴ്ച രാവിലെ നവജാത ശിശുവിനെ ചാണകവും പുല്ലും കൂട്ടിയിട്ട സ്ഥലത്ത് ഉപേക്ഷിച്ച നിലയില് കണ്ടെത്തി. സംഭവത്തെ കുറിച്ച് വിവരം ലഭിച്ചത് അനുസരിച്ച് പൊലീസ് ഡോക്ടറുമായി സ്ഥലത്തെത്തി കുട്ടിക്ക് പ്രാഥമിക പരിചരണം നല്കി.
കുഞ്ഞിന് പ്രാഥമിക വിലയിരുത്തലില് ആരോഗ്യപ്രശ്നങ്ങള് ഒന്നും ഉണ്ടായിരുന്നില്ല എന്നും ഷില്ലായിലെ സിവില് ആശുപത്രിയിലേക്ക് മാറ്റിയെന്നും അധികൃതര് അറിയിച്ചു.
സിര്മൗറിലെ റോണ്ഹാറ്റ് പ്രദേശത്തെ ശങ്കോലി ഗ്രാമത്തിലെ ഒരു തദ്ദേശവാസിയാണ് തന്റെ വയലില് വച്ച് കുട്ടിയെ കണ്ടെത്തിയത്. തന്റെ വയലിലെ ചാണക കൂമ്ബാരത്തില് നിന്ന് കരയുന്ന ശബ്ദം കേട്ടപ്പോള് അദ്ദേഹത്തിന് ആദ്യം ഭയം തോന്നി. എങ്കിലും കൃഷിക്കാരന് ധൈര്യം സംഭരിച്ച് ശബ്ദം കേട്ട ഭാഗത്ത് എത്തിയപ്പോള് കണ്ടത് രക്തത്തില് കുളിച്ചു കിടക്കുന്ന നവജാത ശിശുവിനെയാണ്.
പ്രതികരിക്കാൻ ഇവിടെ എഴുതുക