തിരുവനന്തപുരം: സ്ത്രീധന പീഡനത്തെ തുടര്ന്ന് ഭര്തൃവീട്ടില് തൂങ്ങി മരിച്ച നിലയില് കണ്ടെത്തിയ വിസ്മയയുടെ ജീവിതത്തില് നടന്ന സംഭവങ്ങളില് രൂക്ഷമായി പ്രതികരിച്ച് നടനും എംപിയുമായി സുരേഷ് ഗോപി. സ്വകാര്യ ചാനലിന് നൽകിയ അഭിമുഖത്തിലായിരുന്നു അദ്ദേഹത്തിന്റെ പ്രതികരണം. വിസ്മയയുടെ സഹോദരന് വിജിത്തിനെ വിളിച്ച് സംസാരിച്ച വിവരവും അദ്ദേഹം പങ്കുവച്ചു.
‘ഞാന് വിജിത്തിനെ വിളിക്കുമ്പോള് ബോഡി പോസ്റ്റ് മോര്ട്ടത്തിന് കൊണ്ടുപോയിരിക്കുകയായിരുന്നു. ഞാന് വിജിത്തിനോട് ചോദിച്ചു പോയി. എത്രയോ പേര് എന്റെ നമ്പര് തപ്പിയെടുത്ത് വിളിക്കുന്നു. ഈ തീരുമാനം എടുക്കുന്നതിന് മുന്പ് എന്റെ ഒന്നു വിളിച്ച്, ആ കുട്ടി പറഞ്ഞിരുന്നെങ്കില് കാറെടുത്ത് ആ വീട്ടില് പോയി അവന്റെ കുത്തിന് പിടിച്ചിറക്കി അവനിട്ട് രണ്ട് പൊട്ടിച്ച് ഞാന് വിളിച്ചോണ്ട് വന്നേനെ. അതിന് ശേഷം വരുന്നതൊക്കെ ഞാന് നോക്കിയേനേ..’, സുരേഷ് ഗോപി പറഞ്ഞു.
സ്ത്രീധനം വാങ്ങണം എന്നതിനെക്കാള് ഉപരിയായി സ്ത്രീധനം കൊടുക്കണം എന്ന വാശിയെ അദ്ദേഹം രൂക്ഷമായി വിമര്ശിച്ചു. സംസ്ഥാനത്ത് ഇനി ഇത്തരം സംഭവങ്ങള് ആവര്ത്തിക്കാതെ ഇരിക്കാന് ഓരോ പഞ്ചായത്തിലും സംസ്കാരിക സംഘങ്ങളുണ്ടാകണമെന്ന് അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക