തൃശൂര് : ഉദ്ഘാടനത്തിനൊരുങ്ങുന്ന കുതിരാന് തരങ്കത്തിന് സുരക്ഷാ പ്രശ്നങ്ങളുണ്ടെന്ന് ചൂണ്ടിക്കാണിച്ച് മുന് കരാര് കമ്പനി രംഗത്ത്. ഇപ്പോള് നടക്കുന്നത് മിനുക്കല് നടപടി മാത്രമാണ്, സുരക്ഷാ ക്രമീകരണങ്ങള് ശക്തിപ്പെടുത്തിയില്ലെങ്കില് ദുരന്തസാധ്യതയുണ്ടെന്നുമാണ് മുന്നറിയിപ്പ്.
ട്രയല് റണ് ഉള്പ്പെടെ വിജയകരമായി പൂര്ത്തിയാക്കി കുതിരാന് തുരങ്കം ഉദ്ഘാടനത്തിന് ഒരുങ്ങുകയാണ്. ഇതിനിടയിലാണ് മതിയായ സുരക്ഷാ സംവിധാനങ്ങള് ഇവിടെയില്ലെന്ന് ആരോപിച്ച് മുന് കരാര് കമ്പനി രംഗത്തെത്തിയിരിക്കുന്നത്.
തുരങ്കവുമായി ബന്ധപ്പെട്ട് വെള്ളം ഒഴുകാനും മണ്ണിടിച്ചില് തടയാനും മതിയായ സംവിധാനമില്ലെന്നാണ് പ്രധാന ആക്ഷേപം. തുരങ്കത്തിന്റെ 95 ശതമാനവും പൂര്ക്കിയാക്കിയ കരാര് കമ്പനിയായ പ്രഗതി ആണ് ആരോപണവുമായി രംഗത്ത് എത്തിയത്.
തുരങ്കത്തിന് പുറത്ത് ക്യാച്ച് വാട്ടര് ഡ്രൈനേജ് സിസ്റ്റം നടപ്പാക്കണം. മുകളില് നിന്നുള്ള മണ്ണ്, പാറ, മരങ്ങള് എന്നിവ വീഴാന് സാധ്യയുണ്ട്. മുകളില് കോണ്ക്രീറ്റ് ചെയ്ത് സുരക്ഷ ഉറപ്പാക്കണം. തുരങ്കത്തിന് ഉള്ളില് സുരക്ഷയുണ്ടെന്നും പ്രഗതിയുമായി ബന്ധപ്പെട്ടവര് ചൂണ്ടിക്കാട്ടുന്നു.
പ്രതികരിക്കാൻ ഇവിടെ എഴുതുക