റിയാദ്: സൗദി അറേബ്യയിൽ കൊവിഡ് ബാധിച്ച് ചികിത്സയിലായിരുന്ന മലയാളി മരിച്ചു. റിയാദിൽ നിന്ന് 600 കിലോമീറ്ററകലെ വാദി ദവാസിറിൽ മലപ്പുറം പെരിന്തൽ മണ്ണ ചെറുകര സ്വദേശി ഹംസ (56) ആണ് മരിച്ചത്.
കൊവിഡ് ബാധിതനായി രണ്ടാഴ്ചയായി വാദി ദവാസിർ ജനറൽ ആശുപത്രിയിൽ ചികിത്സയിലായിരുന്നു.
ആരോഗ്യനില വഷളാവുകയും ശ്വാസതടസം ഉണ്ടാവുകയും ചെയ്തതിനെ തുടർന്ന് വെന്റിലേറ്ററിലേക്ക് മാറ്റിയിരുന്നു. ഇന്നലെ ഉച്ചക്ക് 12 മണിയോടെ അന്ത്യം സംഭവിച്ചു. ഏറെ കാലമായി വാദി ദവാസിറിൽ ഡ്രൈവറായിരുന്നു.
പ്രതികരിക്കാൻ ഇവിടെ എഴുതുക