ജി.പിയെന്ന ചുരുക്കപ്പേരില് മലയാളികള്ക്ക് സുപരിചിതനായ കലാകാരനാണ് ഗോവിന്ദ് പത്മസൂര്യ. നീണ്ടകാലത്തെ ഇടവേളയ്ക്ക് ശേഷം ഒരിക്കല്ക്കൂടി ആങ്കറിംഗ് രംഗത്ത് സജീവമാവുകയാണ് ജി.പി.
പുതുതായി ആരംഭിക്കുന്ന ഇന്ററാക്ടീവ് ബിഡ്ഡിംഗ് ഷോയായ ബസിംഗയിലൂടെയാണ് ജി.പി. തന്റെ തിരിച്ചുവരവ് നടത്തുന്നത്. ബസിംഗ ആപ്പിന്റെ നിര്മാതാക്കള് തന്നെയാണ് ഈ ഷോയുടേയും പിന്നില്.
മലയാളം ടെലിവിഷന് രംഗത്ത് ഒരുപാട് വ്യത്യസ്ത പരിപാടികള് താന് ചെയ്തിട്ടുണ്ടെന്നും, കുറച്ചുകാലം ടെലിവിഷന് രംഗത്തുനിന്നും വിട്ടുനിന്നത് സിനിമാരംഗത്ത് ചുവടുറപ്പിക്കാനായിരുന്നെന്നും താരം പറഞ്ഞു.
ഈ ഷോയുടെ ഐഡിയ അണിയറപ്രവര്ത്തകര് പങ്കുവെച്ചപ്പോള് വളരെയധികം താത്പര്യം തോന്നിയെന്നും ഈ ഷോ ചെയ്യണമെന്ന് തീരുമാനിക്കുകയായിരുന്നുവെന്നും ജി.പി. കൂട്ടിച്ചേര്ത്തു.
പ്രതികരിക്കാൻ ഇവിടെ എഴുതുക