നടി ലെന ആദ്യമായി തിരക്കഥയൊരുക്കുന്ന ചിത്രം ഓളം ഷൂട്ടിംഗ് വാഗമണ്ണില് ആരംഭിച്ചു. പുനത്തില് പ്രൊഡക്ഷന്റെ ബാനറില് നവാഗതനായ വി.എസ്. അഭിലാഷ് ആണ് ചിത്രം സംവിധാനം ചെയ്യുന്നത്. നൗഫല് പുനത്തിലാണ് ചിത്രം നിര്മ്മിക്കുന്നത്.
രതീഷ് ചന്ദ്ര, ഹരീഷ് ബാബു എന്നിവരാണ് സഹനിര്മാതാക്കള്. എക്സിക്യൂട്ടീവ് നിര്മ്മാണം ഉണ്ണി മലയില്. 23 വര്ഷത്തെ അഭിനയജീവത്തിന് ശേഷമാണ് ലെന തിരക്കഥ രചനയിലേക്ക് തിരിയുന്നത്. സംവിധായകന് വി.എസ്.അഭിലാഷും ലെനയും ചേര്ന്നാണ് ചിത്രത്തിന്റെ തിരക്കഥ രചിക്കുന്നത്.
അര്ജുന് അശോകന്, ലെന, ബിനു പപ്പു, ഹരിശ്രീ അശോകന്, നോബി മാര്ക്കോസ്, സുരേഷ് ചന്ദ്രമേനോന് എന്നിവരാണ് ചിത്രത്തിലെ പ്രധാനവേഷത്തില് എത്തുന്നത്.
സംഗീതം അരുണ് തോമസ്, ഛായാഗ്രഹണം അസ്കര്, എഡിറ്റിംഗ് സംജിത്ത് മുഹമ്മദ്, സൗണ്ട് ഡിസൈന് രംഗനാഥ് രവി, ആര്ട്ട് വേലു വാഴയൂര്, മേക്കപ്പ് റഷീദ് അഹമ്മദ്, കോസ്റ്റ്യൂം ജിഷാദ് ഷംസുദ്ദീന്, കുമാര് എടപ്പാള്.
പ്രതികരിക്കാൻ ഇവിടെ എഴുതുക