സമീപകാലത്ത് ഏറെ വിവാദമുണ്ടാക്കിയവരാണ് വ്ലോഗര്മാരായ ഇബുള്ജെറ്റ് സഹോദരന്മാര്. ഇവരുടെ കാരവനായ നെപ്പോളിയന്റെ രൂപമാറ്റത്തോടെയാണ് പ്രശ്നങ്ങളുടെ തുടക്കം.
ഇപ്പോള് തങ്ങളുടെ ജീവിതം സിനിമയാക്കാന് ആഗ്രഹം പ്രകടിപ്പിച്ച് ഇബുള്ജെറ്റ് സഹോദരന്മാര് രംഗത്തെത്തിയിരിക്കുകയാണ്. ലിബിനാണ് ഇന്സ്റ്റഗ്രാം അക്കൗണ്ടിലൂടെ ആഗ്രഹം പങ്കുവെച്ചത്.
താല്പര്യമുള്ളവര് ഇമെയിലില് ബന്ധപ്പെടണമെന്നും പോസ്റ്റില് പറയുന്നു. നിരവധി പേരാണ് പോസ്റ്റിനോട് പ്രതികരിച്ച് കമന്റ് രേഖപ്പെടുത്തിയിരിക്കുന്നത്.
നെപ്പോളിയന്റെ രൂപമാറ്റത്തോടെ അനധികൃതമായാണ് ഇവര് വാഹനത്തിന് രൂപമാറ്റം വരുത്തിയതെന്നും പിഴയടക്കണമെന്നും എംവിഡി അറിയിച്ചു. എന്നാല് പിഴ അടക്കാത്തതോടെ പ്രശ്നമായി.
പിന്നീട് ഇവരെ പൊലീസ് അറസ്റ്റ് ചെയ്തു. തുടര്ന്ന് ഇവരുടെ ആരാധകര് പ്രതിഷേധവുമായി ഓണ്ലൈനില് എത്തുകയും ഏറെ ചര്ച്ചയാകുകയും ചെയ്തിരുന്നു.
പ്രതികരിക്കാൻ ഇവിടെ എഴുതുക