‘പാര്ലെ ജി’ കഴിച്ചില്ലെങ്കില് മഹാദുരന്തമെന്ന് പ്രചാരണത്തിന് പിന്നാലെ പരിഭ്രാന്തരായി ജനങ്ങൾ.
ബിഹാറിലെ സിതാമാര്ഹി ജില്ലയിലാണ് സംഭവം. കഴിഞ്ഞ ദിവസം പെട്ടെന്ന് പ്രദേശത്തെ കടകളില് പാര്ലെ-ജി ബിസ്കറ്റ് വന്തോതില് ആവശ്യക്കാര് ഏറി. ചെറിയ കടകളിലെയും സൂപ്പര് മാര്ക്കറ്റുകളിലെയും ബിസ്കറ്റ് പാക്കറ്റുകള് ആളുകള് കൂട്ടത്തോടെ വന്നു വാങ്ങാന് തുടങ്ങിയതോടെ കടക്കാര് അമ്പരന്നു.
വിശ്വാസികള്ക്കിടയില് കാട്ടുതീ പോലെ പ്രചരിച്ച ഒരു കിംവദന്തിയാണ് ബിസ്കറ്റ് കച്ചവടക്കാര്ക്ക് ഗുണമായത്.
ബിഹാര്, ജാര്ഖണ്ഡ്, ഉത്തര്പ്രദേശ് എന്നീ സംസ്ഥാനങ്ങള് ഉള്പ്പെടുന്ന പ്രദേശത്ത് മൈഥിലി, മഗധി, ഭോജ്പുരി ഭാഷകള് സംസാരിക്കുന്ന വിഭാഗങ്ങള്ക്കിടയിലുള്ള ആഘോഷമാണ് ജിതിയ. മൂന്നു ദിവസം നീണ്ടുനില്ക്കുന്ന ഈ ആഘോഷത്തില് മക്കളുടെ ആരോഗ്യത്തിനും ആയുസ്സിനും വേണ്ടി അമ്മമാര് ഒരു ദിവസം നീളുന്ന വ്രതം എടുക്കാറുണ്ട്.
ഈ ആഘോഷവുമായി ബന്ധപ്പെട്ടാണ് വിശ്വാസികള്ക്കിടയില് ഒരു കിംവദന്തി പ്രചരിച്ചത്. ഈ ആഘോഷ ദിവസങ്ങളില് ആണ്കുട്ടികള് പാര്ലെ ജി ബിസ്കറ്റ് കഴിക്കണമെന്നും കഴിക്കാതിരുന്നാല് ജീവിതത്തില് വലിയ ദുരന്താനുഭവങ്ങള് നേരിടേണ്ടി വരുമെന്നുമായിരുന്നു പ്രചാരണം. ഇത് ഒരു വിഭാഗം വിശ്വാസികള് ഏറ്റെടുക്കുകയായിരുന്നു. തുടര്ന്നാണ് കടകളിലും സൂപ്പര്മാര്ക്കറ്റുകളിലും ജനങ്ങള് തിക്കിത്തിരിക്കാന് തുടങ്ങിയത്.
പ്രതികരിക്കാൻ ഇവിടെ എഴുതുക