തിരുവനന്തപുരം: അമ്മയറിയാതെ കുഞ്ഞിനെ ദത്ത് നല്കിയ സംഭവത്തില് പൊലീസിനെ ന്യായീകരിച്ച് സിറ്റി പൊലീസ് കമ്മീഷണറുടെ റിപ്പോര്ട്ട്. അനുപമയുടെ പരാതികളെല്ലാം പൊലീസ് രജിസ്റ്ററിലുണ്ടെന്ന് ഡിജിപിക്ക് നല്കിയ റിപ്പോര്ട്ടില് കമ്മീഷണര് ബല്റാം കുമാര് ഉപാധ്യായ വ്യക്തമാക്കുന്നു.
കുഞ്ഞിനെ കൈമാറിയതുമായി ബന്ധപ്പെട്ട രേഖകള് വ്യാജമാണെന്ന് ആദ്യ അന്വേഷണത്തില് സംശയമുണ്ടായില്ലെന്നും റിപ്പോര്ട്ടില് പറയുന്നു.
കുട്ടിയെ പ്രസവിച്ച് ആറ് മാസത്തിന് ശേഷമാണ് അനുപമ പരാതി നല്കിയതെന്ന് റിപ്പോര്ട്ടില് പറയുന്നു. അനുപമ നല്കിയ എല്ലാ പരാതികളും രജിസ്റ്ററിലുണ്ട്. എല്ലാ പരാതികളിലും വാദിയുടെയും പ്രതിയുടെയും മൊഴിയെടുത്തിരുന്നു.
ആദ്യ പരാതിയില് അച്ഛന് ചില രേഖകള് ഒപ്പിട്ടു വാങ്ങിയെന്നും ഇത് വേണമെന്നുമായിരുന്നു പരാതി. ഇതില് കുട്ടിയെ കുറിച്ച് പറയുന്നില്ല. ഏപ്രില് മാസത്തില് നല്കിയ പരാതിയില് അച്ഛന്റെ മൊഴിയെടുത്ത ശേഷം തുടര് നടപടി അവസാനിച്ചതിന് പിന്നാലെയാണ് അനുപമ രണ്ടാമത്തെ പരാതി നല്കിയത്. അതിലാണ് കുട്ടിയെ കുറിച്ച് പറയുന്നതെന്നും കമ്മീഷണറുടെ റിപ്പോര്ട്ടിലുണ്ട്.
രണ്ടാമത്തെ പരാതിയില് കുട്ടിയെ കൊണ്ടുപോയെന്നും രേഖയില് ഒപ്പിട്ടെന്നും പറയുന്നുണ്ട്. ആ പരാതിയിലും അനുപമയുടെയും അച്ഛന്റെയും മൊഴിയെടുത്തു. കുഞ്ഞിനെ കൈമാറിയ രേഖയില് ഒപ്പിട്ട നോട്ടറി, സാക്ഷികള് എന്നിവരുടെ മൊഴിയും എടുത്തുവെന്ന് കമ്മീഷണര് പറയുന്നു.
പ്രതികരിക്കാൻ ഇവിടെ എഴുതുക