ന്യൂഡല്ഹി: ആറ് വയസുകാരിയെ ബലാത്സംഗം ചെയ്ത 20കാരന് 36 മണിക്കൂറിനുള്ളില് പൊലീസ് പിടിയില്. പ്രതി രഘുബീര് നഗര് സ്വദേശിയായ സൂരജാണ് പ്രതിയെന്ന് തിരിച്ചറിഞ്ഞു. പ്രത്യേക സംഘമാണ് പ്രതിയെ പിടികൂടിയത്. പോക്സോ ഉള്പ്പെടെ വിവിധ വകുപ്പുകള് അനുസരിച്ചാണ് പ്രതിക്കെതിരെ കേസെടുത്തിരിക്കുന്നത്.
ഗുരുതരമായി പരിക്കേറ്റ പെണ്കുട്ടി രാം മനോഹര് ലോഹിയ ആശുപത്രിയില് ചികിത്സയിലാണ്. വീടിന് വെളിയില് കളിച്ചു കൊണ്ടിരുന്ന കുട്ടിയെ ഒറ്റപ്പെട്ട സ്ഥലത്തേയ്ക്ക് തട്ടിക്കൊണ്ടുപോയി പീഡിപ്പിക്കുകയായിരുന്നു. രക്തം വാര്ന്ന നിലയിലാണ് കുട്ടി വീട്ടില് തിരിച്ചെത്തിയതെന്ന് മാതാപിതാക്കള് പറഞ്ഞു.
അവര് ഉടന് തന്നെ കുട്ടിയെ ആശുപത്രിയില് എത്തിക്കുകയായിരുന്നു. പരിശോധനയില് കുട്ടി പീഡനത്തിന് ഇരയായെന്ന് വ്യക്തമായി.
നൂറിലധികം സിസിടിവികള് പരിശോധിച്ചതിന്റെ അടിസ്ഥാനത്തില് ലഭിച്ച പ്രതിയുടെ ചിത്രമാണ് കേസില് നിര്ണായകമായത്.
തുടര്ന്ന് നടത്തിയ വിപുലമായ അന്വേഷണത്തിലാണ് പ്രതിയെ പിടികൂടിയത്. 36 മണിക്കൂറിനകം പ്രതി വലയിലായതായി പൊലീസ് പറയുന്നു. നൂറ് കണക്കിന് സിസിടിവികളാണ് പരിശോധിച്ചത്.
പ്രതികരിക്കാൻ ഇവിടെ എഴുതുക