കോഴിക്കോട് : ഫോൺ രേഖകള് അസിസ്റ്റന്റ് പൊലീസ് കമ്മീഷണര് ഭര്ത്താവിന് ചോര്ത്തി നല്കിയെന്ന പരാതിയുമായി വീട്ടമ്മ.
കോഴിക്കോട് മെഡിക്കല് കോളേജ് അസിസ്റ്റന്റ് പൊലീസ് കമ്മീഷണര് സുദര്ശന് എതിരെ പൊന്നാനിയിലെ വീട്ടമ്മ മലപ്പുറം എസ്പിക്ക് പരാതി നല്കി. വകുപ്പുതല അന്വേഷണത്തില് എസിപിക്കെതിരെ നടപടിക്ക് ശുപാര്ശ ചെയ്തു.
തന്റെ അറിവോ സമ്മതമോ ഇല്ലാതെ ഫോൺ രേഖകള് അസിസ്റ്റന്റ് പൊലീസ് കമ്മീഷണര് സുദര്ശനൻ ഭര്ത്താവിന് ചോര്ത്തി നല്കിയെന്നാണ് വീട്ടമ്മയുടെ പരാതി.
ഫോണ് രേഖകള് ഭര്ത്താവ് ബന്ധുക്കള്ക്കും സുഹൃത്തുക്കള്ക്കും നല്കി അപമാനിക്കാൻ ശ്രമിച്ചെന്നും വീട്ടമ്മ പരാതിപ്പെട്ടു. വീട്ടമ്മയുടെ ഭര്ത്താവിന്റെ അടുത്ത സുഹൃത്താണ് അസിസ്റ്റന്റ് പൊലീസ് കമ്മീഷണര്.
പ്രതികരിക്കാൻ ഇവിടെ എഴുതുക