ബാലരാമപുരം: ചിത്തിര നഗർ ബസ്സ്റ്റോപ്പിൽ യാത്രക്കാരെ കയറ്റാൻ നിർത്തിയിരുന്ന ബസിന്റെ പിറകിൽ കുടുംബം സഞ്ചരിച്ചിരുന്ന സ്കൂട്ടർ ഇടിച്ചുകയറി 36കാരനായ പിതാവിനും 5 വയസ്സുകാരനായ മകനും ദാരുണാന്ത്യം. ഭാര്യ അതീവ ഗുരുതരാവസ്ഥയില്.
കെ.എസ്.ആർ.ടി.സി ബസ്സിന് പിന്നിൽ ഇടിച്ചുണ്ടായ അപകടത്തിൽ മുപ്പത്തിയാറുകാരനായ രാജേഷും അഞ്ചുവയസുകാരന് ഋതിക്കും കൊല്ലപ്പെടുകയായിരുന്നു.
തലസ്ഥാനത്തെ ഒരു അലുമിനിയം ഫാബ്രിക്കേഷൻ കമ്പനിയിൽ എക്സിക്യൂട്ടിവായി ജോലി ചെയ്യുകയായിരുന്നു രാജേഷ്. ഇവർക്ക് ഒപ്പമുണ്ടായിരുന്നു രാജേഷിന്റെ ഭാര്യ സുജിത ഗുരുതരമായി പരിക്കേറ്റ് ആശുപത്രിയിൽ ചികിത്സയിലാണ്.
ജോലികഴിഞ്ഞെത്തിയാല് വീട്ടിനുള്ളില് മകനും ഭാര്യയുമൊത്താണ് രാജേഷ് സമയം ചിലവഴിക്കുന്നത്. രാജേഷിനും മകനും ഏറെ പ്രിയപ്പെട്ട വീട്ടില് വളര്ത്തുന്ന നായക്ക് ഭക്ഷണം നല്കി ശേഷമാണ് യാത്ര പോയത്.
വീട് പൂട്ടി നായയെ വീടിന്റെ സിറ്റൈട്ടില് കെട്ടിയിട്ട ശേഷം ഭക്ഷണം നല്കി വീടിന് പുറത്ത് ലൈറ്റിട്ട ശേഷമാണ് പോയത്. അതിനാല് തന്നെ രാജേഷ് ഉടന് മടങ്ങി വരമെന്ന കാത്തിരിപ്പിലാണ് നായയുള്ളത്.
പ്രതികരിക്കാൻ ഇവിടെ എഴുതുക