മസ്കറ്റ്: ഒമാനിലെ ന്യൂനമർദ്ദം ജനുവരി ബുധനാഴ്ച വരെ നീണ്ടുനിൽക്കുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചതിന് പിന്നാലെ സിവില് ഡിഫന്സും റോയല് ഒമാന് പൊലീസും ജാഗ്രതാ നിര്ദേശം നല്കി.
രാജ്യത്തിന്റെ വടക്കൻ ഗവര്ണറേറ്റുകളിലുള്ള ജനങ്ങള് അസ്ഥിര കാലാവസ്ഥ മുന്നില്കണ്ടുള്ള ജാഗ്രത പുലർത്തണമെന്നാണ് നിര്ദേശം.
മുസന്ദം, വടക്കൻ അൽ ബത്തിന, തെക്കൻ അൽ ബത്തിന, മസ്കറ്റ്, തെക്കൻ അൽ ശർഖിയ, വടക്കൻ ശർഖിയ, ബറേമി, ദാഖിലിയ, ദാഹിറ എന്നീ മേഖലകളിലാണ് കൂടുതല് ജാഗ്രത വേണ്ടത്. ഇവിടങ്ങളില് ആകാശം പൊതുവെ മേഘാവൃതമായിരിക്കും. കടല് പ്രക്ഷുബ്ധമാകാനും മൂന്ന് മീറ്റര് വരെ ഉയരത്തില് തിരമാലകള് ആഞ്ഞടിക്കാനും സാധ്യത പ്രവചിക്കപ്പെട്ടിട്ടുണ്ട്.
ശക്തമായ കാറ്റ് മൂലം മരുഭൂമിയിലും തുറസായ പ്രദേശങ്ങളിലും പൊടിക്കാറ്റിന് സാധ്യതയുള്ളതിനാല് വാഹനയാത്രക്കാര് ജാഗ്രത പാലിക്കണമെന്നും അധികൃതരുടെ മുന്നറിയിപ്പ് നിർദ്ദേശത്തിൽ പറയുന്നു.
പ്രതികരിക്കാൻ ഇവിടെ എഴുതുക