തിരുവനന്തപുരം: വയനാട്ടിൽ കഴിഞ്ഞവര്ഷം കീഴടങ്ങിയ മാവോയിസ്റ്റ് ലിജേഷിന് പുനരധിവാസത്തിന്റെ ഭാഗമായി 3,94,000 രൂപയുടെ ചെക്ക് മുഖ്യമന്ത്രി പിണറായി വിജയന് കൈമാറി. നിയമസഭാ മന്ദിരത്തിലെ മുഖ്യമന്ത്രിയുടെ ഓഫീസിലാണ് ചടങ്ങിലാണ് ചെക്ക് കൈമാറിയത്.
പുനരധിവാസപദ്ധതിയുടെ ഭാഗമായി ലൈഫ് പദ്ധതിയില് പെടുത്തി എറണാകുളം ജില്ലയില് സ്വന്തമായി വീട് നിര്മ്മിച്ചുനല്കുന്നതുവരെ താമസിക്കാനായി വാടകയ്ക്ക് എടുത്ത വീടിന്റെ താക്കോലും മുഖ്യമന്ത്രി കൈമാറി.
സായുധസമരം ഉപേക്ഷിച്ച് കീഴടങ്ങിയ മാവോയിസ്റ്റ് ലിജേഷിനെ (37) പുനരധിവസിപ്പിക്കുന്നതിന് വീടും തൊഴിലവസരങ്ങളും സ്റ്റൈപ്പെന്റും മറ്റ് ജീവനോപാധികളും നല്കാന് വയനാട് ജില്ലാ കളക്ടറുടെ അധ്യക്ഷതയില് ചേര്ന്ന ജില്ലാതല പുനരധിവാസ സമിതി ശുപാര്ശ ചെയ്തിരുന്നു.
ഇതനുസരിച്ച് ആവശ്യമായ നടപടി സ്വീകരിക്കാന് സംസ്ഥാന പോലീസ് മേധാവി സര്ക്കാരിനോട് അഭ്യര്ത്ഥിച്ചതിനെത്തുടര്ന്നാണ് നടപടി.
പ്രതികരിക്കാൻ ഇവിടെ എഴുതുക