കോട്ടയം: ചങ്ങനാശേരി മാടപ്പള്ളിയിൽ പ്രദേശവാസികളുടെ പ്രതിഷേധം അവഗണിച്ച് പൊലീസിന്റെ സാന്നിധ്യത്തില് അധികൃതര് സ്ഥാപിച്ച കെ-റെയിലിന്റെ സര്വേ കല്ലുകള് അപ്രത്യക്ഷമായി. കെ-റെയില് അധികൃതര് വ്യാഴാഴ്ച സ്ഥാപിച്ച സര്വേക്കല്ലുകളാണ് രാത്രിതന്നെ ആരോ പിഴുതെറിഞ്ഞത്.
വ്യാഴാഴ്ച കെ-റെയില് വിരുദ്ധ സമിതിയുടെ നേതൃത്വത്തില് മാടപ്പള്ളിയിലും റീത്തുപള്ളിയിലും വന് പ്രതിഷേധമാണ് അരങ്ങേറിയത്. സമരം ചെയ്ത സ്ത്രീകള് ഉള്പ്പടെയുള്ളവര്ക്ക് പൊലീസിന്റെ മര്ദനമേറ്റിരുന്നു.
സ്ത്രീകൾ ഉൾപ്പെടെയുള്ളവരെ അറസ്റ്റ് ചെയ്ത് നീക്കിയശേഷമാണ് മാടപ്പള്ളിയിലും പരിസരപ്രദേശങ്ങളിലും ഉദ്യോഗസ്ഥര് കല്ലുകള് സ്ഥാപിച്ചിരുന്നത്.
കല്ലുകള് പിഴുതുമാറ്റുമെന്ന് അറസ്റ്റ് ചെയ്ത ഘട്ടത്തില് തന്നെ സമരസമിതി പ്രവര്ത്തകര് പറഞ്ഞിരുന്നു. ഇതിനിടെ കെ-റെയില് വിരുദ്ധ സമരക്കാര്ക്ക് നേരെയുണ്ടായ പൊലീസ് നടപടിയില് പ്രതിഷേധിച്ച് സംയുക്ത സമരസമിതി ചങ്ങനാശ്ശേരി നിയോജക മണ്ഡലത്തില് ഇന്ന് ഹർ ത്താല് ആചരിക്കുകയാണ്.
പ്രതികരിക്കാൻ ഇവിടെ എഴുതുക