കോഴിക്കോട്: നാദാപുരം ജാതിയേരിയില് യുവതിയുടെ വീട്ടിലെത്തി യുവാവ് തീകൊളുത്തി ആത്മഹത്യ ചെയ്തു. നാദാപുരം പൊന്പറ്റ സ്വദേശി രത്നേഷ് (42) ആണ് മരിച്ചത്. സംഭവത്തില് യുവതിക്കും സഹോദരനും പരുക്കേറ്റു.
ഇന്ന് പുലര്ച്ചെ രണ്ട് മണിയോടെയാണ് സംഭവമുണ്ടായത്. വിവാഹ നിശ്ചയം കഴിഞ്ഞ യുവതിയുടെ വീട്ടിലെത്തിയ യുവാവ് കോണി ഉപയോഗിച്ച് ഇരുനില വീടിന് മുകളില് കയറി. തുടര്ന്ന് മുകള് നിലയിലുള്ള കിടപ്പുമുറിയുടെ വാതില് കുത്തിത്തുറന്ന് അകത്ത് കടന്നശേഷം യുവാവ് തീകൊളുത്തുകയായിരുന്നു.
ടെറസില് നിന്ന് തീ പടരുന്നത് കണ്ട പ്രദേശവാസികളാണ് വിവരം അറിഞ്ഞ് ആദ്യം ഓടിയെത്തിയത്. നാദാപുരം ഡിവൈഎസ്പിയുടെ നേതൃത്വത്തില് പോലീസ് സംഘം സ്ഥലത്തെത്തി അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക