വിനോദസഞ്ചാരികള്ക്കും തീര്ത്ഥാടകര്ക്കും ആശ്വാസമായി സുര്ക്കന്ദ ദേവി ക്ഷേത്രത്തില് റോപ്പ് വേ സര്വ്വീസ് ആരംഭിച്ചു. ഉത്തരാഖണ്ഡ് മുഖ്യമന്ത്രി പുഷ്കർ സിംഗ് ധാമി കദ്ദുഖൽ-സിദ്ധ്പീഠ് ദേവി റോപ്പ്വേ സർവീസ് ഉദ്ഘാടനം ചെയ്തു.
ഉത്തരാഖണ്ഡിലെ പ്രസിദ്ധ തീര്ത്ഥാടന സ്ഥാനങ്ങളിലൊന്നായ ഇവിടം സമുദ്രനിരപ്പില് നിന്നും 2756 മീറ്റര് ഉയരത്തിലാണ് സ്ഥിതി ചെയ്യുന്നത്.സാധാരണഗതിയില് വാഹനങ്ങള് പാര്ക്ക് ചെയ്യുന്നിടത്തുനിന്നും രണ്ട് മണിക്കൂര് നടന്ന് വേണമായിരുന്നു ക്ഷേത്രത്തിലെത്തുവാന്.
എന്നാൽ റോപ് വേ വഴി അവർക്ക് എളുപ്പത്തിൽ സ്ഥലത്ത് എത്തിച്ചേരാനാകും. ഇത് സാഹസിക വിനോദസഞ്ചാരത്തിനും മതപരമായ വിനോദസഞ്ചാരത്തിനും ഉത്തേജനം നൽകുന്നതിനൊപ്പം പ്രദേശവാസികളുടെ ഉപജീവനമാർഗം വർദ്ധിപ്പിക്കാനും ഈ സേവനം സഹായിക്കുമെന്നും മുഖ്യമന്ത്രി പറഞ്ഞു.
ഏകദേശം 5 കോടി രൂപ ചെലവിലാണ് റോപ്പ് വേ നിർമ്മിച്ചിരിക്കുന്നത്, നീളം 502 മീറ്ററാണ്. മണിക്കൂറിൽ 500 പേർക്ക് യാത്ര ചെയ്യാനുള്ള സൗകര്യമുണ്ട്. സുര്ക്കന്ദ ദേവി ക്ഷേത്രം ധനൗൾട്ടി, ചമ്പ എന്നീ ഹിൽ സ്റ്റേഷനുകൾക്ക് സമീപമാണ് സ്ഥിതിചെയ്യുന്നത്.
ഡെറാഡൂൺ വഴിയാണ് ഈ സ്ഥലത്തേക്ക് ഏറ്റവും എളുപ്പത്തിൽ എത്തിച്ചേരാനാകുന്നത്, എന്നാൽ മുസ്സൂറി, ലാൻഡൂർ എന്നിവിടങ്ങളിൽ സന്ദർശകർക്ക് ഒരു സാധാരണ പകൽ യാത്രയാണിത്. ധനോൽതി – ചമ്പ റോഡിലെ കദ്ദുഖൽ ഗ്രാമത്തിൽ നിന്ന് 3 കിലോമീറ്റർ കുത്തനെയുള്ള കാൽനടയാത്ര വേണം ഇവിടെ എത്തുവാന്
പ്രതികരിക്കാൻ ഇവിടെ എഴുതുക