ഒരാളുടെ സൗന്ദര്യത്തിന്റെ ഭാഗമാണ് മുടി. മുടി ഒന്ന് കൊഴിഞ്ഞാലോ, നരച്ചാലോ നെഞ്ചുപിടയാത്തവരായി ആരും ഉണ്ടാവുകയില്ല. പ്രത്യേകിച്ച് അകാലനര . നന്നേ ചെറുപ്പത്തില് തന്നെ നരബാധിച്ച് ഡോക്ടര്മാറെ കണ്ടു നടക്കുന്നവരെ നമുക്കുചുറ്റും കാണുവാന്സാധിക്കും.
മുടി നരയ്ക്കുന്നതിന് പല കാരണങ്ങള് ഉണ്ട് ചിലര്ക്ക് പാരമ്പര്യമായിന്നെ ലഭിക്കുന്നതാകും വളരെ നേര്ത്തെയുള്ള മുടി നരയ്ക്കല്. അതായത് നിങ്ങളുടെ അച്ഛന്റെ വീട്ടിലോ അമ്മയുടെ വീട്ടിലോ ആര്ക്കെങ്കിലും ഇത്തരത്തില് അകാലനരയുണ്ടെങ്കില് നിങ്ങള്ക്കും ഇവ ലഭിക്കുവാനുള്ള സാധ്യതയും കൂടുതലാണ്. കൂടാതെ മുടിക്കുവേണ്ടത്ര പോഷകങ്ങള് ലഭിക്കാതെ വരുമ്പോള് ചിലരില് നരബാധിക്കുന്നത് കാണുവാന് സാധിക്കും. പ്രത്യേകിച്ച് വൈറ്റമിന് ബി 12ന്റെ അഭാവം നല്ല ആരോഗ്യമുള്ള മുടി ഉണ്ടാകുന്നതിനും മുടിയിഴകള്ക്ക് കറുപ്പു നല്കുന്നതിനും തടസ്സമാകുന്നു. അതേപോലെതന്നെ പ്രധാനപ്പെട്ടതാണ് പുകവലി. നിങ്ങള് സ്ഥിരമായി പുകവലിക്കുന്ന ആളാണെങ്കില് നിങ്ങളുടെ മുടി അതിവേഗം നരയ്ക്കുവാനുള്ള സാധ്യതയും കൂടുതലാണ്. കാരണം, പുകവലിക്കുന്നതിലൂടെ രക്തക്കുഴലുകളിലുണ്ടാകുന്ന അപാകതകള് തലയിലേയ്ക്കുള്ളരക്തത്തിന്റെ പമ്പിംഗ് കുറയ്ക്കുകയും അത് മുടിയുടെ വളര്ച്ചയേയും നിറത്തേയും ബാധിക്കുകയും ചെയ്യും.
നീലയമരി, കയ്യൂന്നി (കഞ്ഞുണ്ണി), മൈലാഞ്ചി ഹെയര് പാക്ക്
നമ്മള് മലയാളികളുടെ മുറ്റത്ത് ഒരുകാലത്ത് സുലഭമായി നട്ടുവളര്ത്തിയിരുന്ന ചെടിയാണ് മൈലാഞ്ചി. നഖങ്ങളുടെ സംരക്ഷണത്തിനും അണുബാധകളില് നിന്നും കാല്വിരലുകളെ സംരക്ഷിക്കുന്നതിനെല്ലാം വര്ഷകാലത്ത് മൈലാഞ്ചി ഉപയോഗിച്ചിരുന്നു. അതേപോലെതന്നെ നമ്മുടെ പറമ്പിലെല്ലാം സുലഭമായി വളര്ന്നു വന്നിരുന്ന ഔഷധ ചെടികളാണ് നീലയമരിയും കയ്യൂന്നിയുമെല്ലാം.
പണ്ടുകാലത്ത് കേശ സംരക്ഷണത്തിന് താളിയായി ഉപയോഗിച്ചിരുന്നവയായിരുന്നു ഇവ. ഇന്നും, തൊടിയിലും പറമ്പിലുമെല്ലാം ഒന്നുതപ്പിയാല് കണ്ടുകിട്ടാവുന്ന ഒരു നാടന് ചെടികളാണിവ.
മൈലാഞ്ചി- 1 കപ്പ്
കയ്യൂന്നി (കഞ്ഞുണ്ണി)- 1 കപ്പ്
നീലയമരി- 1 കപ്പ്
ഇവ എല്ലാം നന്നായി കഴുകിയെടുത്ത് മിക്സിയുടെ ജാറില് നന്നായി അരച്ചെടുക്കുക. ആവശ്യമെങ്കില് കുറച്ച് വെള്ളം ചേര്ക്കാം. വെള്ളം അധികമാവാതെ പ്രത്യേകം ശ്രദ്ധിക്കണം. നല്ല പേസ്റ്റ് രൂപത്തില് അരച്ചെടുത്ത ഈ പാക്ക് മുടിയിഴകളില് തേച്ച് പിടിപ്പിക്കുക. ഈ പാക്ക് തലയോട്ടിയില് ആവാതെ ശ്രദ്ധിക്കുന്നത് നല്ലതായിരിക്കും. ഒരു അരമണിക്കൂര് നേരം തേച്ചുപിടിപ്പിച്ച് ഇരുന്നതിനുശേഷം നോര്മല് വാട്ടര് ഉപയോഗിച്ച് തലകഴുകാവുന്നതാണ്. തലകഴുകുന്നതിനായി അധികം കെമിക്കല്സ് ഇല്ലാത്ത ഷാംപൂ ഉപയോഗിക്കുന്നതായിരിക്കും നല്ലത്. പാക്കിന്റെ ഗുണങ്ങള് എന്തെല്ലാമെന്ന് നമുക്ക് നോക്കാം.
1. കയ്യൂന്നിയും നീലാംബരിയും തലയിലെ ചൂട് കുറയ്ക്കുന്നതിനും ഇതിലൂടെ കണ്ണുകള്ക്ക് കുളിര്മയേകുന്നതിനും സഹായിക്കും.
2. മുടിയിഴകള്ക്ക് നാച്ചുറല് കളര് കൊണ്ടുവരുന്നതിനും മുടിയിഴകള് കൂടുതല്
കരുത്തുറ്റതാക്കുന്നതിനും ഈ പാക്ക് സഹായിക്കും.
3. ഈ പാക്കിനൊപ്പം നെല്ലിക്ക, ചെറുനാരങ്ങ എന്നിവ ചേര്ക്കുന്നത് മുടിയുടെ വളര്ച്ചയ്ക്കും വൈറ്റമിന് സി മുതലായ പോഷകങ്ങള് ലഭിക്കുന്നതിനും സഹായകമാണ്.
4. നല്ല ഉറക്കം ലഭിക്കുന്നതിന് സഹായിക്കും.
ശ്രദ്ധിക്കേണ്ട കാര്യങ്ങള്
കഫത്തിന്റെ ബുദ്ധിമുട്ടുള്ളവര് ഇത്തരം പാക്കുകള് ഉപയോഗിക്കാതിരിക്കുകയായിരിക്കും നല്ലത്. കാരണം ഇതിലെ ചേരുവകള് കൂടുതല് തണുപ്പ് ഉണ്ടാക്കുന്നതിനാല് നീരിറങ്ങുവാനുള്ള സാധ്യത കൂടുതലാണ്. ഉപയോഗിക്കുകയാണെങ്കില് എണ്ണതേക്കാതെ പാക്ക് ഇട്ടതിനുശേഷം ഒരു 15 മിനിറ്റിനുള്ളില് കഴുകി കളയുക.
ഹെയര്കെയര് പാക്കുകളെല്ലാം രാവിലെതന്നെ ഉപയോഗിക്കുന്നതാണ് കുറച്ചുംകൂടെ ഉത്തമം. രാത്രിയിലോ ഉച്ചസമയത്തോ ഉപയോഗിച്ചാല് പനി, ജലദോഷം മുതലായ രോഗങ്ങള് വരുവാനുള്ള സാധ്യത കൂടുതലാണ.
അതേപോലെതന്നെ, ഇത്തരം പാക്കുകള് ഉപയോഗിച്ച് കുളിച്ചതിനുശേഷം നേരെ പുറത്തേയ്ക്കിറങ്ങുന്നതും നീരിറക്കം പോലുള്ള ബുദ്ധിമുട്ടുകള് ുണ്ടാക്കും. പരമാവധി മുടി നന്നായി ഉണക്കിയതിനുശേഷം മാത്രം പുറത്തേയ്ക്കിറങ്ങുക.
പ്രതികരിക്കാൻ ഇവിടെ എഴുതുക