വിഘ്നേശ് ശിവന്റെയും നയൻതാരയുടെയും വിവാഹം തെന്നിന്ത്യയുടെയാകെ ശ്രദ്ധയാകര്ഷിച്ചിരുന്നു. ഏഴ് വര്ഷത്തെ പ്രണയത്തിന് ശേഷമാണ് ഇരുവരും വിവാഹിതരായത്. താരങ്ങള് ഉള്പ്പടെയുള്ള സുഹൃത്തുക്കളുടെയും അടുത്ത ബന്ധുക്കളുടെയും സാന്നിദ്ധ്യത്തിലായിരുന്നു വിവാഹം. ഇപ്പോഴിതാ വിവാഹ ശേഷം വിഘ്നേശ് ശിവനും നയൻതാരയും തിരുപ്പതിയില് ദര്ശനം നടത്തിയിരിക്കുകയാണ്.
തിരുപ്പതിയില് വിവാഹം കഴിക്കണമെന്നായിരുന്നു വിഘ്നേശ് ശിവന്റെയും നയൻതാരയുടെയും ആഗ്രഹം. എന്നാല് എല്ലാവര്ക്കും എത്തിച്ചേരാനുള്ള അസൗകര്യങ്ങളെ തുടര്ന്ന് വിവാഹം തിരുപ്പതിയില് വേണ്ടെന്നു വയ്ക്കുകയായിരുന്നു. മഹാബലിപുരം ഷെറാട്ടണ് ഗ്രാന്ഡ് ഹോട്ടലില് വച്ചായിരുന്നു വിവാഹം നടന്നത്. എന്തായാലും വിവാഹ കഴിഞ്ഞതിന്റെ പിറ്റേന്ന് തന്നെ ഇരുവരും തിരുപ്പതിയില് ദര്ശനത്തിന് എത്തിയിരിക്കുകയാണ്.
വിഘ്നേശ് ശിവൻ കഴിഞ്ഞ ദിവസം വിവാഹ ഫോട്ടോ പുറത്തുവിട്ടിരുന്നു. ദൈവത്തിന്റെയും മാതാപിതാക്കളുടെയും അനുഗ്രഹത്താല് എന്ന് എഴുതിയാണ് വിവാഹം കഴിഞ്ഞ കാര്യം ഫോട്ടോ പുറത്തുവിട്ട് വിഘ്നേശ് ശിവൻ അറിയിച്ചത്. ഷാരൂഖ് ഖാൻ, രജനികാന്ത് തുടങ്ങിയ താരങ്ങള് നയൻതാരയുടെ വിവാഹത്തിന് എത്തിയിരുന്നു. കനത്ത സുരക്ഷയിലായിരുന്നു വിവാഹ വേദിയും പരിസരവും.
Nayanthara-Vignesh Shivan during dharshan at Tirupati temple.#NayantharaVigneshShivan #Nayantharawedding #WikkiNayan #VigneshShivanWedsNayanthara #VigneshShivan #Nayanthara @VigneshShivN #Tirupati pic.twitter.com/NZKiOAHS6w
— DT Next (@dt_next) June 10, 2022
പ്രതികരിക്കാൻ ഇവിടെ എഴുതുക