കൊച്ചി: രാജ്യാന്തര തലത്തിലും ദക്ഷിണേന്ത്യയിലും പ്രവർത്തനം ശക്തിപ്പെടുത്തുന്നതിന്റെ ഭാഗമായി ഗോ ഫസ്റ്റ് ഈ മാസം 28 മുതല് കൊച്ചിയില് നിന്നും അബുദാബിയിലേക്ക് വിമാന സർവീസ് തുടങ്ങും.
ആഴ്ചയില് മൂന്ന് ദിവസം നേരിട്ട് ഫ്ളൈറ്റുകള് ഉണ്ടാകും. സര്വീസിന് തുടക്കം കുറിച്ചുള്ള ആദ്യ ഫ്ളൈറ്റ് കൊച്ചി അന്താരാഷ്ട്ര വിമാനത്താവളത്തില് നിന്നും വൈകീട്ട് 8:05 ന് (പ്രാദേശിക സമയം) പുറപ്പെട്ട് 10:40ന് (പ്രാദേശിക സമയം) അബുദാബി അന്താരാഷ്ട്ര വിമാനത്താവളത്തിലെത്തും.
റിട്ടേണ് ഫ്ളൈറ്റ് അബുദാബിയില് നിന്നും രാത്രി 11:40ന് (പ്രാദേശിക സമയം) പുറപ്പെട്ട് പുലര്ച്ചെ 5:10ന് (പ്രാദേശിക സമയം) കൊച്ചിയിലെത്തും.
കൊച്ചിക്കും അബുദാബിക്കും ഇടയില് ആഴ്ചയില് മൂന്ന് സര്വീസുകളുണ്ടാകും. 15793 രൂപയുടെ റിട്ടേണ് നിരക്കില് ബുക്കിങ് ആരംഭിച്ചു.
കൊച്ചി – അബുദാബി റൂട്ടില് ഇരുഭാഗത്തേക്കും നേരിട്ട് ഫ്ളൈറ്റ് സര്വീസ് ആരംഭിക്കുന്നതോടെ ബ്ലൂ കോളര് ജോലിക്കാര്ക്കും വേനല് അവധിക്ക് യുഎഇയും കേരളവും സന്ദര്ശിക്കാന് ആലോചിക്കുന്ന യാത്രക്കാര്ക്കും ഉപകാരപ്രദമാകും.
പ്രതികരിക്കാൻ ഇവിടെ എഴുതുക