അജ്മാന്: യുഎഇയില് തൊഴിലുടമയെ കഴുത്തറുത്ത് കൊന്ന 30 വയസുകാരനായ പ്രവാസിക്ക് വധശിക്ഷ.
കഴിഞ്ഞ ദിവസം വിചാരണ പൂര്ത്തിയാക്കിയ അജ്മാന് ക്രിമിനല് കോടതിയാണ് ശിക്ഷ വിധിച്ചത്. കൊല്ലപ്പെട്ടയാളും പ്രതിയും ഒരേ രാജ്യക്കാരാണെന്ന് കോടതി രേഖകള് വ്യക്തമാക്കുന്നു.
പല തവണ കുത്തിയും കഴുത്തറുത്തുമാണ് യുവാവ് തന്റെ തൊഴിലുടമയെ കൊന്നത്. ക്രൂരമായ കൊലപാതകത്തിന്റെ ദൃശ്യങ്ങള് അടുത്തുള്ള സി.സി.ടി.വി ക്യാമറയില് പതിഞ്ഞിരുന്നു.
ഇതാണ് കേസില് നിര്ണായക തെളിവായത്. ശമ്പളത്തെയും വിസയെയും പറ്റിയുള്ള തര്ക്കങ്ങളാണ് കൊലപാതകത്തില് കലാശിച്ചതെന്ന് പിന്നീട് പൊലീസ് കണ്ടെത്തി.
പ്രതികരിക്കാൻ ഇവിടെ എഴുതുക