താരനും മുടികൊഴിച്ചിലും ഇന്ന് പരേയും അലട്ടുന്ന പ്രശ്നങ്ങളാണ്. ആര്യവേപ്പില മുടി കൊഴിച്ചില് നിര്ത്താന് സഹായിക്കുന്ന ഒന്നാണ്.
മുടിയിഴകളുടെ അഗ്രഭാഗം പിളരുന്നത് തടയാന് ഏറ്റവും മികച്ച വഴിയാണ് ആര്യവേപ്പ്. ആര്യവേപ്പിലകൾ മുടിയുടെ ജലാംശം വർദ്ധിപ്പിക്കുകയും മുടിയുടെ ആരോഗ്യം വർദ്ധിപ്പിക്കുകയും ചെയ്യുന്നു. മുടിയിഴകളുടെ വേരുകള് മുതല് മുഴുവന് ഭാഗവും തിളക്കമുള്ളതാക്കാന് വേപ്പില ഉപയോഗിക്കുന്നത് വഴി സാധിക്കും.
ആര്യവേപ്പിലയിട്ട് തിളപ്പിച്ച വെള്ളം ഉപയോഗിച്ച് മുടി കഴുകുന്നത് താരനും മുടികൊഴിച്ചിലും അകറ്റാൻ സഹായിക്കുന്നു. ആഴ്ചയിൽ രണ്ടോ മൂന്നോ തവണ ഇത് ചെയ്യാം.
കുതിർത്ത ഉലുവയും കറിവേപ്പിലയും ചേർത്തരച്ച് മുടിയിൽ പുരട്ടുക. ഇതു മുടി വളർച്ചയെ സഹായിക്കുമെന്നു മാത്രമല്ല, മുടിയ്ക്കു കറുപ്പ് നിറം നൽകാനും സഹായിക്കും. അകാലനര ഒഴിവാക്കാനുള്ള നല്ലൊരു പ്രതിവിധിയാണ് ഇത്.
മുട്ടയുടെ വെള്ള കൊണ്ടുള്ള ഹെയർ മാസ്ക് ഉപയോഗിക്കുന്നത് തലയോട്ടിയിലെ അധിക എണ്ണയിൽ നിന്ന് ശുദ്ധീകരിക്കുകയും മുടിയെ ശക്തിപ്പെടുത്തുകയും വളർച്ചയെ പ്രോത്സാഹിപ്പിക്കുകയും താരനെതിരെ പോരാടുകയും ചെയ്യുമെന്ന് പഠനങ്ങൾ പറയുന്നു. മുട്ടയുടെ വെള്ളയും വെളിച്ചെണ്ണയും ചേർത്ത് തലയിൽ തേച്ചിടുക. 15 മിനുട്ട് കഴിഞ്ഞ് തണുത്ത വെള്ളത്തിൽ കഴുകി കളയുക.
പ്രതികരിക്കാൻ ഇവിടെ എഴുതുക