പാലക്കാട്; വാളയാർ പീഡന കേസിൽ സിബിഐയുടെ നിലവിലെ കുറ്റപത്രം പോക്സോ കോടതി തള്ളി. പുനരന്വേഷണത്തിന് പാലക്കാട് പോക്സോ കോടതി ഉത്തരവിട്ടു.സിബിഐ തന്നെ അന്വേഷിക്കണമെന്നാണ് കോടതിയുടെ നിര്ദ്ദേശം.
പെണ്കുട്ടിയുടെ അമ്മ നില്കിയ ഹര്ജിയിലാണ് കോടതിയുടെ വിധി.പെണ്കുട്ടികളുടെ മരണം കൊലപാതകമല്ലെന്ന പോലീസ് കണ്ടെത്തല് ശരിവച്ചുള്ള കുറ്റപത്രമാണ് സിബിഐയും കോടതിയില് സമര്പ്പിച്ചിരുന്നത്.
എന്നാല് ഇത് റദ്ദാക്കണമെന്നും കുട്ടികളുടെ മരണം കൊലപാതകമാണെന്നും അമ്മ കോടതിയില് നല്കിയ ഹര്ജിയില് ആരോപിച്ചിരുന്നു. ഇത് പരിഗണിച്ചാണ് പോക്സോ കോടതിയുടെ ഉത്തരവ്.
സത്യം തെളിയുമെന്നാണ് പ്രതീക്ഷയെന്ന് പെണ്കുട്ടികളുടെ അമ്മ പ്രതികരിച്ചു. സത്യസന്ധമായ അന്വേഷണം പുതിയ സംഘം നടത്തണമെന്നും അവര് ആവശ്യപ്പെട്ടു
പ്രതികരിക്കാൻ ഇവിടെ എഴുതുക